「最強陣」完勝「最貴陣」槍手 八千萬存息強過引援 精選

一場酣暢淋漓既大勝之後，阿仙奴逐漸浮現諸多利好因素，沙格拿狀態回勇完美承擔右路防守重任，多次面對前隊友拿斯利完封對手。基比斯係左路雖然受到米拿，薩巴列達以及捷西斯•拿華斯，李察士既輪番衝擊仍堅不可摧。哥斯尼中路穩如磐石，多次擋出對方傳中，梅特薩卡既強大制空能力亦令對方既高空轟炸毫無威脅。
藍斯涅槃重生，一傳一射體現威爾斯人作為中場節拍器既全面能力。阿迪達作為隊長延續穩定既表現，傳控視野俱佳，為阿仙奴由防轉攻既品質提供良好既保障。普多斯基出人意料地正選出場，多次回撤攞波為反擊中邊路既突擊手扯出空位，吸引對方防守既注意力。禾確特兩傳一射，多次同隊友形成默契配合頗顯老虎仔傳球功力。基奧特後備上場為整支球隊注入新鮮血液，積極前插換嚟精彩入球。
平心而論，阿仙奴仍然存在防守上既痼疾，中堅同邊後衛之間既空位由於防中覆蓋面積不大既弱點而被無限放大。中場回追保護不及時，防中位置感稍差亦令對方邊路球員面對防守輕易內切。進攻中包抄點過少，套路單一既特點亦並唔會因為一場熱身賽既勝利而迎刃而解，教授目前雖能嘴上逞強，但法國人心裡清楚要達到心中既「最強陣」仍需世界級新援加盟。