阿仙奴即將簽史雲斯中堅 雲加或1500萬再購普巴(附個人精華) 精選

輿論普遍相信，英超最後一輪才驚險拿到下季歐聯資格既阿仙奴將會係今夏既轉會市場上有不少動作，《太陽報》披露，阿仙奴已經非常接近簽下史雲斯中堅艾殊利•威廉士(Ashley Williams)，因為競爭對手利物浦已經將注意力放係史浩克既希臘後衛帕帕多普洛斯上。
該報披露，雲加已經為威廉士報價800萬，但史雲斯既心理價位係1200萬左右。據稱，威廉士非常渴望加盟阿仙奴，呢單轉會好有機會達成，教授希望用威廉士取代可能離隊既隊長華美倫。呢位比利時中堅隊長據稱已經吸引到巴塞、拿坡里甚至曼聯既注意力。
與此同時，教授仍孜孜不倦地追求曾兩次求購失敗既普巴。這位前曼聯天才係舊年夏天拒絕紅魔既新合同，自由轉會到祖雲達斯，仲跟隨老婦人奪得2012/13賽季意甲冠軍。不過，係意甲收穫上場時間同榮譽既普巴最近過得唔太開心，係上個月對都靈既打比大戰中，普巴被對方球迷種族歧視，本月初對巴勒莫時又因為向對手吐口水而被紅牌罰下。
《鏡報》指出，因為祖雲達斯並唔想賣走才加盟一年既普巴，為此，雲加如果想要得到呢名法國年輕中場，就必須出最少1500萬鎊。早在16歲普巴仲係法國勒阿弗爾(Le Havre AC)效力時，教授就想買下呢位天才同胞，但卻被曼聯捷足先登。《鏡報》指出，普巴一向被認為係“新韋拉”，如今韋舒亞飽受傷病困擾，藍斯仍難獨當一面，教授仍需繼續補強中場力量。