土超豪門睇中阿記失意人 謝雲奴亦成土耳其目標 精選

租借加盟祖記既槍手前鋒賓特拿雖然係祖雲達斯鮮有上場機會，但仍然隨隊獲得了意甲冠軍，再次令8年無冠既阿仙奴無言。進入夏天，賓特拿既租借期滿，祖記亦無意續租，丹麥鋒霸將回歸阿仙奴。
不過25歲既賓特拿回歸後仍難有位置，基奧特已牢牢佔據住槍手中鋒既位置，即使冇基奧特，禾確特亦會出任中鋒。對賓特拿嚟講，選擇其他球隊或對佢既發展更有利。近日，《每日郵報》爆料稱，嚟自土耳其既豪門比錫達斯睇中賓特拿，並希望將失意既丹麥人收入帳下。
此外，土超既另一支勁旅費倫巴治亦曾有意賓特拿，然而如今佢咃對阿仙奴陣中既科特迪瓦前鋒謝雲奴更感興趣，係費倫巴治陣中有許多英超舊將，其中球迷最熟悉既應該係古治同美利拉斯。
不過咁對於阿仙奴嚟講並唔算壞消息，賓特拿離隊早已成定局，而謝雲奴雖然突破犀利，但係視野同大局觀不足，意識仲好欠缺。如果價錢合適賣走亦可以繼續尋找更適合既人選。