韋舒亞缺席勝率降兩成？ 西式雙核爆發填空缺 精選

雲加早早宣佈韋舒亞缺席本輪聯賽，唯恐天下不亂既英媒列出數據，本賽季有韋舒亞坐鎮中場時，阿仙奴聯賽勝率56%，冇咗佢則勝率跌到36%，下降兩成。不過本輪聯賽阿迪達同卡蘇拿、藍斯既三角組合好好咁掌控中場，前兩人仲分別入波，反駁依賴症既講法。
本場阿迪達延續上回客戰史雲斯既穩定表現，107次傳球99次成功，成功率達到93%，要知道雷丁全隊亦只傳咗306次，阿迪達一人既數據就抵得上對手1/3個球隊，天空體育賽後亦俾阿迪達8分，評語為:「佢總是能做出正面積極既貢獻」。

作為英超傳球成功次數第一（2220次）既球員，阿迪達既存在，係阿記30輪比賽總計傳球17591次，平均每場控球率達到58.6%，平均傳球成功率83.2%，三項資料高居英超第一既最主要因素。儘管桑治離隊後，阿迪達承擔了很重既防守壓力，位置亦比上賽季靠後好多，但佢穩定既傳球總是球隊由攻轉守既可靠支點。

本場張伯倫博到十二碼後，阿迪達從容地罰中本賽季第4個十二碼，英超各隊中佢追平同樣罰中4個十二碼既林柏特。如果唔係對富咸罰失一個，西班牙人本可以射入5個十二碼，咁樣佢聯賽十二碼數字甚至會超過美斯（西甲攻入4個）直追C朗（聯賽6個）。天空體育評選謝雲奴為全場最佳，但卡蘇拿同謝雲奴一樣係9分。卡蘇拿係阿仙奴前場幾乎無處不在，謝雲奴首開紀錄既入球，係佢一腳似傳似射既攻門形成助攻，隨後親自策動並完成阿記今場第二個入球，係佢最擅長既正對龍門遠射，刁鑽直入網底。上半時卡蘇拿就有得分良機，可惜一腳打中門柱外側彈出。
http://youtu.be/3dkck8_84JU卡蘇拿入球對阿仙奴係好消息，此前佢破門既8場英超聯賽中，阿仙奴贏下了其中7場，今場亦冇例外。首回合出戰雷丁，卡蘇拿就單場比賽製造4個入球，上演帽子戲法並助攻一次，本場雖然入球少咗兩個，但確立2-0既領先優勢同樣關鍵。兩回合對雷丁，卡蘇拿攻入4球助攻2次，幾乎一人就橫掃呢隊英超升班馬。

OPTA賽前刊發一條數據，阿仙奴係1993年足總杯決賽排出10名英國球員正選，係足總杯歷史上最近一次有10個本土球員正選既情況，不過依家槍手已經有濃重既西班牙風情，比賽技術含量上亦要比當年高得多。