從4場失1球到7場失15球 雲加欲變陣五後衛戰熱刺 精選

阿仙奴新賽季開始後頭4場比賽僅失1球，儘管成績只是兩勝兩和，但槍手後防卻給人脫胎換骨既感覺，不過，最近7場比賽包括歐聯，阿仙奴一共失咗15球，令人醒悟當初只不過係錯覺，《郵報》披露，痛定思過既教授已經打算變陣改踢五後衛。
係上週末同富咸既倫敦打吡，阿仙奴後防又連失3球，痛失一度兩球領先既大好局勢，《郵報》披露，其實係阿仙奴1-2輸俾曼聯後，係上周中對史浩克04前，教授開始醞釀咁既變陣，並同教練團討論呢個計畫既可行性，不過因為時間太短，雲加先冇係對史浩克04既比賽中派出五後衛。

如果阿仙奴所有後衛都保持健康，該報披露，教授既五後衛陣式應該係右邊衛沙格拿、左邊衛基比斯，三個中堅分別係哥斯尼、華美倫同梅迪薩卡，經過周中既國際賽後，阿仙奴將係本週末迎來死敵熱刺既挑戰，教授同佢既教練團只剩下兩日嚟磨練新陣。