歐聯B組形勢分析 精選

香港時間今日淩晨，2012-2013賽季歐聯分組抽籤揭曉，英格蘭球隊阿仙奴、德國球隊沙浩克04、希臘球隊奧林匹克高斯同法國球隊蒙彼利埃被分係B組。呢個小組既形勢有啲微妙，實力最強既阿仙奴好難講咩時候先可以磨合到最佳狀態，而其餘三支球隊都有打硬仗既能力，四支球隊都有出線希望。交戰記錄：
B組中歐聯新兵蒙彼利埃同其餘球隊都冇交過手，沙浩克04同奧林匹克高斯雖然係歐戰常客，但亦從來冇交過手，只有阿仙奴同沙浩克04同奧林匹克高斯都曾有過交手，而且記錄均是主場勝作客輸。

阿仙奴同沙浩克04係2001-2002賽季既歐冠第一輪份組賽有相遇過，阿仙奴主場3-2取勝，最後一輪係已經提前出線既情況下作客1-3輸咗俾沙浩克04。

阿仙奴同奧林匹克高斯則係過去三年內兩次分埋一齊，2009-2010賽季分組賽阿仙奴主場2-0取勝，最後一輪係已經提前出線既情況下0-1輸俾奧林匹克高斯。而上季一樣，阿仙奴主場2-1取勝，最後一輪提前出線既情況下作客1-3輸咗。

出線前景：
儘管阿仙奴既實力同名氣夠大，但球隊亦好難鎖定小組第一，今夏走咗球隊核心既兵工廠仲磨合緊，如果分組賽前兩場打唔好，佢地好可能會陷入一定既困境。而奧林匹克高斯、沙浩克04同新兵蒙彼利埃都可以打硬仗，前兩者係歐戰賽場已經證明過自己，而蒙彼利埃上季拿下法甲冠軍，靠既就係以弱勝強既氣勢。係呢個小組中只能講阿仙奴出線機會稍大，四支球隊都有希望去力拼出線名額。http://www.youtube.com/watch?v=xe7Hddunxlk&hd=1