曝槍手即將宣布簽下卡蘇拿 精選

阿仙奴今夏引入唔少新兵，係斥資近2500萬鎊簽下普多斯基同基奥特後，佢地簽西班牙中場卡蘇拿亦只係時間問題。據法國權威媒體《隊報》透露，卡蘇拿飛抵倫敦後已經通過體檢，阿仙奴方面好快就會正式宣布卡蘇拿加盟既消息。
今年27歲既卡蘇拿身高只有1米68，同恩尼斯達類型相似，既能組織突破，罰球更係其看家本領。上季，佢為馬拉加出場34次射入9球。而係西班牙國家隊，卡蘇拿隨隊獲得2008年同2012年兩屆歐國杯冠軍，出場45次攻入6球。
據悉，阿仙奴俾馬拉加1730萬英鎊既轉會費嚟引入卡蘇拿，而佢亦將創造槍手轉會費紀錄(超越皮理斯)。據《天空體育》透露，卡蘇拿將簽約4年。馬拉加之所以會出售球星，原因係球隊缺乏資金，而即將征戰歐聯既馬拉加則有高達4000萬歐元既債務。