13年後再與槍手相聚!施治將複製雲達沙經典輝煌?

香港時間6月29日，阿仙奴宣布施治加盟。只需要1000萬英鎊，槍手就得到英超乃至整個歐洲足壇近10年最出色嘅門將之一，無疑係個令槍迷興奮嘅消息。33歲嘅施治繼續留係倫敦，對捷克門神同阿仙奴而言，咁係個雙贏嘅選擇。英國著名足球數據網站squawka嘅分析，就話俾所有球迷，點解阿仙奴執到寶。
施治嘅到嚟，彌補咗阿仙奴係門將位置嘅弱點。2008年列文離隊後咁多年，阿仙奴一直冇個具質素嘅門將。法比安斯基、文路尼、施捷斯尼、奧斯賓拿……呢啲門將呀足夠實力為中游球隊打上主力，但卻配唔上阿仙奴豪門1號嘅地位。
2014-15賽季，施治被高圖爾斯搶走主力位置，捷克門神全季只有7次聯賽出場，但5場零封對手，只失2球(如圖示)。2014-15英超賽季，奧斯賓拿為阿仙奴出場18次，8場零封，失11球。當然，身高1米96嘅施治，有絕對嘅能力控制禁區，呢個係奧斯賓拿所不具備的。
squawka指出，阿仙奴得到33歲嘅施治，令人諗起費格遜時期嘅曼聯，引入荷蘭門將雲達沙。2005年夏天，曼聯用200-300萬英鎊左右嘅轉會費，從富咸簽入雲達沙。1970年10月出生嘅雲達沙，當時已經係將近35歲嘅老將。當時冇人會諗到，雲達沙會成為舒米高之後，解決紅魔門將危機嘅救星。係曼聯6年，雲達沙獲得4次英超冠軍，1次歐聯冠軍，41歲時，更係曼聯退役。施治係車路士11年，攞過4次英超冠軍、1次歐聯冠軍、1次歐霸冠軍、4次足總杯冠軍、3次聯賽杯冠軍和2次社區盾冠軍，捷克門神自己亦獲得過3次英超金手套獎，確實係一個令人信任嘅門將。
據施治自己回憶，20歲時，自己本有希望加盟阿仙奴，但當時勞工證要求一名球員係國家隊正式比賽中出場次數達到75%以上。施治22歲時加盟車路士，成為藍軍崛起嘅功勳，阿仙奴則備受煎熬，一度經歷8年無冠。阿仙奴係2002年時未能得到施治，但13年後捷克人嚟到阿仙奴。對門將嚟講，33歲呢個年紀，一啲都唔老。