阿仙奴曼城爭搶皇馬天才 3500萬鎊或可使皇馬放人

英國媒體《鏡報》報導，英超球隊阿仙奴同曼城都在密切關注著皇馬球員伊斯高，並且銀河艦隊對於出售伊斯高亦並非持抗拒態度，但西甲豪門想要一份3500萬英鎊嘅報價。
自從2013年夏天轉會到皇馬之後，其實伊斯高呢位昔日馬拉加金童，一直都未能係班拿貝得到一個穩定嘅主力位置。係安帥手下，佢更似「一舊磚」，當球隊有漏洞同問題嘅時候，先會被諗到用佢嚟填補。
皇馬中前場目前可以稱得上係人滿為患，占士洛士古斯同巴爾呢2位超高身價嘅球星必然要佔據主力位置，事實上，如今占士傷愈復出之後，伊斯高就已經要讓位俾呢位哥倫比亞國腳。唔止對內競爭令伊斯高煩惱，甚至皇馬依家仲打算係轉會市場上繼續搜羅中場人才，巴黎聖日耳門嘅華拉提以及祖雲達斯嘅普巴目前都係皇馬嘅收購名單上。所以係咁嘅情況下，伊斯高係皇馬嘅未來更唔被人睇好。不過，係 呢輪戰勝馬拉加嘅比賽中，摩迪再次出現重傷，或者伊斯高會係克羅地亞人缺席嘅呢段時間獲得唔少機會。
有見及此，阿仙奴同曼城就準備利用呢個有利時機，嘗試挖角呢位西班牙天才。《鏡報》介紹到，其實皇馬並唔介意賣走伊斯高，但絕對唔會係轉會費上令自己大受損失。2013年夏天，皇馬從馬拉加簽下伊斯高花費2700萬歐元，而依家面對英超球隊嘅爭搶，皇馬希望得到3500萬英鎊。呢個數字唔算細，所以跟住落嚟就要睇兩隊嘅決心同誠意lu。