藍神5場連造6球 英超150戰再成入球英雄

兵工廠ㄧ阿仙奴 於 12/04/2015 發表 收藏文章
基奧特終於結束連續六輪有波入嘅強勢表現,山齊士都冇「士哥」,不過阿仙奴上季最佳球員藍斯近期則強勢崛起,最近五場比賽直接參與球隊六個入球,今場更是攻入了全場唯一進球,慶祝自己150場英超出戰嘅里程碑時刻。
今場係藍斯第150次係英超聯賽中登場,當然全部都係效力阿仙奴時期。雲加安排藍斯打右路,希望佢係防守中幫助高基連同卡蘇拿保護後場,進攻中亦能適時上前,成為基奧特同山齊士身邊嘅一把進攻利器。果然今場咁嘅安排收到成效,藍斯嘅入球早早幫助阿仙奴取得領先。
藍斯今季英超已經攻入五球,此前四場佢有波入嘅比賽,槍手2勝1和1負,今場成為第三場勝利。藍神亦無愧為阿仙奴最優質嘅作客入球機器,包括今場果球在內,過去佢攻入嘅15個入球中,有13球係客場斬獲,比例遠高於今季攻入20球嘅頭號射手山齊斯,而智利國腳只有五球係客場所取得。
藍斯係上季阿仙奴隊內最佳,所有賽事中為槍手攻入16球,如果唔係因為受傷季中缺席數月嘅話,絕對有機會競爭英超最佳球員。今季威爾斯上半季表現一般,曾經有過連續15次出場冇入球嘅尷尬表現,越踢越急,反而入球更少。不過近期藍神已經逐步恢復狀態,佢自己亦承認:「放輕心態,狀態就會自然番嚟。
對即將復出嘅韋舒亞嚟講,藍斯表現咁好,對佢自己絕對唔係好消息,韋舒亞或許好難重新擠入主力陣容。藍神再度崛起但對阿仙奴嚟講意義重大,聯賽爭冠雖然希望渺茫,但槍手仲有足總杯衛冕嘅任務,上季能打破九年無冠嘅尷尬,今年可唔可以再嚟一次?

留言


請按此登錄後留言。未成為會員? 立即註冊
    快捷鍵:←
    快捷鍵:→