(英超賽事分析)阿仙奴vs車路士

兵工廠ㄧ阿仙奴 於 01/10/2012 發表 收藏文章
本場倫敦打比,車路士兩個入球都係通過馬達既罰球得分,槍手就輸係兩個死球上。本賽季6場比賽,阿仙奴一共失咗6球,其中居然有4球係對手通過死球所攻入,比例高達66%。
應該話本賽季阿仙奴整體防守值得肯定既係,每場搶斷25.2次,攔截19.5次,兩項資料全英超排名第二,每場被對手射門10.8次,亦係排名第三高,僅比熱刺同曼城稍多。本輪聯賽前槍手同車路士都係5輪失2球,並列英超失球數最少。或者係開局唔錯,阿仙奴近幾場防線既專注力明顯不及賽季頭兩戰,自從2比0擊敗利物浦之後,加上本輪聯賽,槍手已經連續5場比賽失分。
教授前幾日先自豪地宣佈,自己有三個世界級中堅,但今場打比戰,兩大中堅就度過了噩夢一夜。隊長華美倫兩次犯規,造成本隊兩個失球,上輪對曼城為球隊攻入唯一入球既哥斯尼,更要直接對兩個失球負責。
教授選擇哥斯尼而唔係梅迪薩卡,可能係忌憚車路士前場攻擊組合既推進速度,然而諷刺既係,車路士首個入球恰恰係空襲,而咁亦係梅迪薩卡最有優勢既特長。係防守托利斯既過程中,哥斯尼手腳並用同對手互相拉拽球衣,但亦忽視咗對球路既觀察,被眼明腳快既托利斯搶先將球淩空掃射入網。
至於阿仙奴既第二個失球,馬達罰球飛入禁區後彈地,哥斯尼今次反應快,伸腿去鏟球,但只係碰到球面,冇將入球當係烏龍球,已經很好運。文路尼亦暴露咗經驗不足既問題,多次被對手本來冇太大威脅既射開威脅到,儘管賽前資料顯示佢既撲救率達91%,仲高過施治,但本場比賽兩位門將水準高下立見。

留言


請按此登錄後留言。未成為會員? 立即註冊
    快捷鍵:←
    快捷鍵:→