英媒評選雲加10大收購 山齊士入選大帝榜首

兵工廠ㄧ阿仙奴 於 01/07/2015 發表 收藏文章
阿仙奴今夏第一簽就係施治,呢筆交易引起英國媒體轟動,而捷克門神嘅加盟必然令阿仙奴實力增強,作為阿仙奴嘅傳奇人物,雲加眼光出名非常勢利,並經常可以醞釀神奇簽約,而英國《每日電訊報》就盤點咗雲加執教槍手至今10筆最佳收購。
10 山齊士(Alexis Sanchez)(轉會費3500萬英鎊)

2014年夏天,阿仙奴斥資3500萬英鎊簽入智利射手阿歷斯山齊士,事實證明,槍手呢筆重磅引援非常明智,係過去一季,山齊士幫助球隊係各項賽事攻入25球,而係槍手奪得足總杯嘅征程中,亦發揮出關鍵作用。
9 雲佩斯(Robin Van Persie)(轉會費250萬英鎊)
2004年夏天,阿仙奴僅僅花費250萬英鎊就從飛燕諾引入當時荷蘭新星羅賓雲佩斯,雖然雲佩斯幫助阿仙奴立下赫赫戰功,但於2012年雲佩斯堅持離隊,而最終雲加將雲佩斯以2400萬英鎊出售至曼聯,係呢筆交易上,雲加更獲利不少。
8 蘇金寶(Sol Campbell)(自由加盟)

2001年,阿仙奴從熱刺簽入合同到期嘅蘇金寶,呢名球員係當時取得巨大成功,幫助槍手獲得2個英超冠軍以及3個足總杯冠軍。
7 皮利斯(Robert Pirès)(轉會費650萬英鎊)

皮利斯絕對係阿仙奴有史以嚟最偉大嘅球員之一,2000年,雲加花費區區650萬英鎊就從馬賽簽入皮利斯。效力槍手期間,皮利斯更係阿仙奴不敗賽季嘅主將之一。
6 高路托尼(Kolo Touré)(轉會費15萬英鎊)

高路托尼可以算得上係雲加收購史上又一經典,當初引入科特迪瓦人僅僅洗咗阿仙奴15萬英鎊,不過2009年夏天,雲加就將呢名後衛以1600萬英鎊嘅價格出售至曼城。
5 法比加斯(Cesc Fàbregas)(轉會費50萬英鎊)

要講到雲加收購嘅經典,絕對不得不提法比加斯。2003年夏天,雲加從巴塞引入當時寂寂無名嘅法比,當時僅僅合對方巴塞支付50萬英鎊嘅補償金,隨後,法比加斯代表阿仙奴出場303次,成為槍手嘅組織核心,而2011年,雲加將法比出售至巴薩,更獲得3500萬英鎊。
4 安歷卡(Nicolas Anelka)(轉會費50萬英鎊)

安歷卡出道於巴黎聖日耳門,當時好快就被雲加嘅慧眼相中。法國浪子第一次轉會身價低得驚人,只有50萬英鎊,而當雲加將安歷卡出售皇馬時,轉會費卻達到了2250萬英鎊。
3 奧華馬斯(Marc Overmars)(轉會費550萬英鎊)

奧華馬斯係雲加阿仙奴執教生涯較為早期嘅一筆簽約,當時阿仙奴以550萬英鎊嘅轉會費從阿積士帶走呢位球員,荷蘭人幫助槍手獲得過英超冠軍,隨後以2500萬英鎊嘅轉會費加盟巴塞,雲加又做咗一筆好買賣。
2 韋拉(Patrick Vieira)(轉會費350萬英鎊)

1996年9月,韋拉以350萬英鎊從AC米蘭轉會到阿仙奴。隨後法國人成為英超史上最佳防中之一,更幫助阿仙奴以不敗賽季奪冠,2006年,韋拉以1350萬英鎊嘅轉會費加盟意大利球隊祖雲達斯。
1 亨利(Thierry Henry)(轉會費1100萬英鎊)

作為阿仙奴嘅經典,槍手嘅大帝,毫無疑問,亨利係雲加教練生涯嘅最佳簽約,1999年,雲加以1100萬英鎊嘅轉會費從祖雲達斯帶嚟當時嘅法國小將,一臉稚氣嘅亨利,隨後法國前鋒成為高貝利之王,亦係阿仙奴史上最偉大球員,而即便亨利出走巴塞,亦得到不少球迷擁戴。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • ahbin 於 01/07/2015 評論 NO. 1

    呢啲係n年前嘅事啦,仲有雲膠亦有唔少失敗收購,謝菲斯单車仔==呢啲都係,相反雲膠明险簽嘅球員成為天皇都唔少,c朗,伊爸都係…近呢十幾年雲膠都冇佳作。以山神嘅身價計佢唔算係執到寶個隻,個oc2入廠到而家都未打出身價呢?

快捷鍵:←
快捷鍵:→