艾迪尼(Jeff Reine-Adelaide)-阿仙奴嘅明日之星?

兵工廠ㄧ阿仙奴 於 27/07/2015 發表 收藏文章
一年一度嘅酋長盃,身為主辦單位嘅阿仙奴自然要出賽,但今屆賽後媒體嘅焦點再唔係一眾球星,而係17歲嘅阿仙奴小將艾迪尼(Jeff Reine-Adelaide),到底佢係乜水,一齊嚟了解下。
近幾年雲加面對不少批評,指教授以往發掘法比以及亨利等潛質新星嘅頭腦不再,球迷都開始擔心教授會唔會因為財政開始充裕而選擇簽入大牌球星,不再發掘潛質小將。
係呢個時候,阿仙奴係今個夏天一如以往低調地簽入兩位法國人,分別都係嚟自法乙球隊朗斯(RC Lens)17歲嘅艾迪尼(Jeff Reine-Adelaide)以及16歲嘅Yassin Fortune,而前者已經為球迷帶嚟深刻嘅印象。
再講講艾迪尼嘅前球會朗斯,朗斯近年分別出產包括現效力國際米蘭嘅干度比亞(Geoffrey Kondogbia)以及皇馬嘅華拉尼(Raphael Varane)等優質球星。而本文嘅主角,同樣嚟自朗斯嘅艾迪尼則同兩位前輩一樣並未為朗斯一隊上陣過,但係卻得到雲加嘅注意,並於今年五月以1.75M英鎊加盟阿仙奴。
一如雲加嘅新星收購條件,與前輩亨利法比以及師兄韋舒亞一樣,艾迪尼能夠分別勝任攻擊中場以及左右翼一職,主要任務都係負責策動進攻並為前鋒帶嚟入波機會。艾迪尼同時具備良好嘅進攻意識,具備突破速度能力以及自信亦相信係令雲加簽佢嘅原因。
艾迪尼身高大概六呎(大概180cm),17歲嘅佢相信除咗已經發育健全,而佢嘅身型則同當年嘅法比以及韋舒亞一樣較為瘦削,「練大隻啲」亦因此成為佢嘅一大目標
現是為法國隊U17國腳嘅艾迪尼,係今個月頭對陣布里斯托流浪第一次位阿仙奴青年軍上陣,跟住隨住被剔出前往新加坡嘅大名單,艾迪尼要去到酋長杯先有為一線隊出賽嘅機會。酋長杯嘅兩場比賽佢都有上陣,分別於對陣里昂而後備身分上陣,以及正選對陣禾夫斯堡。於第二場嘅比賽,係球迷第一次能夠長時間近距離觀賞呢位新星嘅表現,而佢亦不負眾望,於第50分鐘助攻禾確特攻入全場唯一入球,而賽後亦成為傳媒嘅焦點。
賽前雲加已經少有地用''Special''嚟形容呢位法國小將,並指出如果佢上場大家就會知到佢係一個極具潛質嘅新星
引用Reine-Adelaide is something special you know.He is a great talent and when he came on you could see that
而雲加於賽後亦盛讚呢位法國新星,宣布今季佢將會留係球隊並與參與一線隊練習。
引用He looks very promising. But he needs to work with us now for a year with the first team, to play with the Under-21s and develop. There is a fantastic potential there and he will stay with us

作為一個17歲新仔,艾迪尼的確仲有大把前途,假而時日若果能夠遠離傷病,可能真係會成為雲加口中嘅"something special",成為球隊嘅明日之星。
https://youtu.be/QeJKmaCx4s0


如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→