背傷再度惡化 槍手中堅或無緣對陣史篤城

兵工廠ㄧ阿仙奴 於 09/09/2015 發表 收藏文章
據英國《每日郵報》報導,阿仙奴中堅哥斯尼或因背部傷勢惡化而缺陣,可能會無緣週末對陣史篤城嘅比賽。
消息指,啱啱正從背傷復出嘅哥斯尼今個星期參與咗法國嘅歐國盃外圍賽,但卻於國家隊比賽中觸發背傷舊患,並或因此無緣週末嘅英超賽事。
哥斯尼近期飽受背部肌肉傷勢困擾,早前佢代表法國對陣葡萄牙踢足90分鐘,但同塞爾維亞嘅國家隊友誼賽卻未有上陣。今季對陣利物浦嘅比賽,29歲嘅哥斯尼就曾因為背傷缺陣,但係戰勝紐卡素嘅比賽中回歸。事實上,哥斯尼繼上一次嘅背傷後一直接受治療以放鬆同強化肌肉,雖然佢本人堅稱問題不大,但阿仙奴醫療組將會在診斷後,確定其能否參加本輪聯賽。
如果哥斯尼無法上陣,啱啱復出嘅副隊長梅迪薩卡將搭住加比爾出任球隊中堅組合,最近獲得正選機會嘅加比爾表現不足,最近兩張都為槍手保持不失球,除非哥斯尼需要長期缺陣,否則哥斯尼嘅傷勢暫時對阿仙奴影響不大。

如果喜歡我們的文章,請即分享到︰

留言


請按此登錄後留言。未成為會員? 立即註冊
快捷鍵:←
快捷鍵:→