繼續網羅新星 曝雲加鎖定阿根廷「新美斯」

兵工廠ㄧ阿仙奴 於 08/04/2015 發表 收藏文章
聯賽高歌猛進嘅同時,阿仙奴主帥雲加繼續搜羅新星,《每日電訊報》披露阿仙奴接近簽入被譽為新美斯嘅16歲阿根廷天才麥斯-羅美路(Maxi Romero),佢嘅經紀人亦表示已經同雲加接洽。
羅美路效力於阿根廷嘅沙士菲體育會(Vélez Sársfield),佢嘅擁有權比較複雜,經紀人同球會各佔一部分,而英超禁止球員第三方擁有權。另外羅美路身價為450萬英鎊,高出了阿仙奴最初嘅估價。
不過阿仙奴球探依然極力推薦羅美路,希望可以係其他歐洲豪門插手前捷足先登。羅美路被譽為新美斯,可見其巨大潛力,《每日郵報》稱雙方談判已進入最後階段,經紀人確認佢已經同雲加有過接洽:「我同雲加係倫敦見過兩次。佢哋從南美球探了解到羅美路,亦為雲加帶嚟深刻印象。阿仙奴同意我哋嘅主要條件:羅美路留係阿根廷多兩年。
沙士菲主席確認佢哋收到了阿仙奴嘅報價,若羅美路轉會槍手,佢會被借番沙士菲,至少效力兩年,積累比賽經驗。羅美路目前仲未代表沙士菲一隊出場,但一直隨隊訓練。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • easonbella 於 09/04/2015 評論 NO. 1

    你話鎖就鎖啊,人地夠鎖定新雲加咯

快捷鍵:←
快捷鍵:→