槍手驚現超強組合 2傳2射帶球隊晉級決賽

兵工廠ㄧ阿仙奴 於 19/04/2015 發表 收藏文章
近期連連入波嘅基奧特,今場足總杯四強卻被雲加安排暫時休戰,幸好山齊士及時有態,梅開二度兩次攻破雷丁大門,成為阿仙奴晉級嘅頭號功臣。而為山齊士兩次送出助攻嘅都係奧斯爾爾,德國人全場關鍵傳送達到恐怖嘅9次。超強組合同時發威,堪稱球隊超級組合,咁嘅槍手豈有不勝之理?
今場雲加安排韋碧克正選,希望佢可以好似8強對陣曼聯時有出色表現,不過聯賽出場唔多的黑碧,今場狀態較為一般,阿仙奴主要進攻方向都係山齊士果邊。智利人亦極為活躍,並不安居左路,經常插到中路威脅對方,阿仙奴打破比分僵局嘅一球,就係山齊士係禁區中路停球後,扣過對方守衛後推射破門。
山齊士嘅入球展示出佢超強嘅個人能力,堪比周中巴塞前鋒蘇亞雷斯過大衛雷斯一幕,咁亦係雲加過去多次強調嘅一點:「南美前鋒擁有超強天賦,往往係依家嘅歐洲球員所欠缺的」。
阿仙奴上一次足總杯比賽中先入波,最後輸波,係2009年4月1-2輸俾車路士,因此山齊士嘅入球對穩定阿仙奴全隊心態好有幫助。雖然槍手下半場被雷丁追和,但山齊士隨後又係加時賽中建功。
山齊士嚟到歐洲后,今場係佢第三次係杯賽比賽中梅開二度,此前兩次都係跟隨巴塞打國王杯。各條戰線中阿仙奴過去嘅五個入球中,有四個入球係由山神直接參與,攻入三球助攻一次,上半程嘅隊內最佳球員復甦。「佢係比賽中不斷努力」,雲加對山齊士嘅完美表現十分滿意,不過認為佢嘅潛力仲可以提高。
今場扮演山齊士「背後嘅男人」嘅係奧斯爾,兩人搭檔中前場,德國國腳今場兩度助攻山神破門,尤其第一腳傳球,傳球弧線、落點與力量都堪稱完美;今場上半場奧斯爾傳球成功率高達94%,全場亦達到了90%,而且有恐怖嘅次關鍵一傳,表現並不遜於山齊士,賽后係BBC本場最佳球員評選中,智利人獲得70%投票,顯然德國人亦佔其餘30%大部分票。

留言


請按此登錄後留言。未成為會員? 立即註冊
    快捷鍵:←
    快捷鍵:→