槍手喜迎兩將回歸 禾確特恢復訓練進度良好 精選

英超新賽季就快重燃戰火，阿仙奴亦迎來兩名傷患回歸，中堅哥斯尼昨天恢復訓練，而因傷缺席半年既禾確特亦已恢復訓練，傷情冇出現反復，相信幾周內就能重返賽場。
上季禾確特對熱刺既比賽中十字韌帶撕裂，因此遺憾地缺席世界盃。今個夏天佢一直努力康復，新賽季開始前佢每天加練幾小時，爭取儘快重返賽場。老虎仔更係社交網站上上傳佢係阿仙奴訓練基地衝刺跑既影片，更掦言：「每天更快更強，速度致勝！」(Getting #Stronger & #Quicker everyday!!!! #SpeedMatters)
今個夏天阿仙奴投入超過5000萬鎊，不再爭四，志在爭冠。槍手既標王係前巴塞球星山齊斯，亦係禾確特既競爭對手，但老虎仔警告對手晤好睇少佢同山齊斯：「英超列強小心，我同山齊斯將成為致命武器！速度致勝！」(Watch out PremierLeague Me and Alexis will be a deadly force!! #afc #COYG #SpeedMatters)
哥斯尼參加訓練則係一場及時雨。法國中堅係對曼城既社區盾上半場受咗輕傷，雲加不敢冒險，將佢換走，而他換走後槍手並冇一名正牌中堅。由於華美倫加盟巴塞，梅迪薩卡因參加世界盃啱啱回歸訓練，新賽季早段雲加必須依仗哥斯尼統領後防。