曝皇馬與阿仙奴達成協議 基迪拉2500萬離隊在即

兵工廠ㄧ阿仙奴 於 16/07/2014 發表 收藏文章
據《馬卡報》最新消息,皇馬與阿仙奴已經達成協議,基迪拉既轉會費將為2500萬歐元,依家唯一障礙係阿仙奴能唔能夠滿足基迪拉提出既年薪。
由於拜仁方面已經確認卻奥斯將轉會皇馬,而皇馬高層更傾向留迪馬利亞,基迪拉順理成章成為最可能被清洗既球員。阿仙奴今年夏天一直留意基迪拉,此前皇馬已經為基迪拉提供一份續約合同,但球員本人冇給予回應,雲加好清楚皇馬既處境,係雙方合同到期前,皇馬必定會出售基迪拉以防人財兩空。
依家從球會層面睇已經冇任何障礙,唯一既懸念係阿仙奴能否係球員待遇方面給予滿足。基迪拉同皇馬既合同將於2015年6月到期,據稱基迪拉希望得到一份稅後700萬歐元既年薪,換算過來係15萬英鎊既週薪,咁响阿仙奴屬於絕對頂薪級別,雲加冇可能一口答應。有消息稱車路士方面願意滿足基迪拉既年薪要求,但皇馬更傾向同阿仙奴進行交易,上季奥斯爾既交易令雙方關係融洽。
上季基迪拉遭受重傷,一度被認為整個賽季都復出無望,結果佢不但及時復出趕上歐聯決賽,更順利入選了路維既國家隊名單,亦係德國主力之一。儘管因為肌肉拉傷缺席世界盃決賽,阿仙奴方面認為基迪拉既身體絶對冇問題。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • tinchi3721 於 16/07/2014 評論 NO. 1

    馬基利尼後難得搵一個似樣d既防中而家賣 比你有7條A咪又係四大皆空

快捷鍵:←
快捷鍵:→