曝槍手將於明早宣佈施治加盟 捷克門將或以10.9M入廠

據英國媒體《每日電訊》報導，阿仙奴將於英國時間6月29日正式官方宣布簽下捷克國腳，車路士門將佩特·施治(Petr Čech)。據《skysport》報導指，轉會費將為1090萬英鎊。
據早前消息指，施治於上週初已同意個人合約條件，週五已經通過體檢，佢將結束自己11年藍軍生涯奔赴酋長球場。
車路士領隊摩連奴一開始並唔願意將車路士賣給英超對手，而一度同意來自巴黎聖日耳門嘅報價，但由於施治公開表示希望留係倫敦，PSG最終亦只有放棄對捷克國腳嘅追求。而係今季淪為高圖爾斯嘅後備後，球隊老闆阿巴莫域治亦答應允許施治可以自由選擇轉會任何球隊。消息指施治加盟後將成為阿仙奴嘅正選門將，而現任嘅正選門將奧斯賓拿雖然係美洲國家杯上表現出色，但亦會被賣至土超球隊費倫巴治。上季淪為後備嘅施捷斯尼將繼續留隊。