奧斯爾復出助槍手爭4 雲加:只希望愛華頓失分 精選

阿仙奴主帥雲加透露中場大將奧斯爾將於週末作客候城既聯賽中複出，助推槍手爭四大業，同時復出既仲有法明尼。
奧斯爾上個月係1-1戰和拜仁既歐聯淘汰賽中腿筋受傷，缺陣至今，而槍手只贏2場，包括周中主場3-1逆轉西漢姆，從爭冠變為爭四，令人唏噓。好在本週末奧斯爾終於復出，另外法明尼亦將解禁復出。雲加透露：「奧斯爾已經可以隨隊出征，佢係我地主要進攻球員之一。」
25歲既奧斯爾初登英倫，因為係硬仗中既表現而飽受批評，不過雲加力撐愛將：「奧斯爾有過疲勞期，因為佢唔慣踢足成季。但我認為佢將競爭下季最佳球員。」另外左閘蒙利爾亦可能復出，但另一名左閘基比斯則將缺席。對候城既聯賽可以話係足總杯決賽預演，由於愛華頓周中爆冷輸波，週末更要迎戰曼聯，槍手若客戰取勝，爭四希望就大大增加。
雲加認為今輪比賽將相當困難：「候城今季相當了不起，主場好出色。史提芬-布魯斯係今年既最佳主教練之一，主帥既真正工作就係發揮球隊既最大潛能。」雲加還指出今季阿仙奴取得進步，證據就係曾一度佔據榜首：「今季我地取得進步，有17或18次位居榜首。每場比賽都有好大影響，所以我地要好好準備，我認為大家絕對盡力了。」