土超豪門欲簽山度士 失意山度士Twitter流露去意

兵工廠ㄧ阿仙奴 於 17/10/2012 發表 收藏文章
土耳其豪門加拉塔沙雷確認有意簽下阿仙奴左邉衛安達•山度士(André Santos),只是暫時雙方仲未接洽。本賽季英格蘭小將基比斯佔據了主力位置,山度士只出場87分鐘。
舊年夏季轉會期既最後一刻阿仙奴從費倫巴治簽下了山度士,佢一度成為槍手主力左邉衛,但係歐聯分組賽1-3輸俾奧林匹亞高斯既比賽中嚴重受傷,只係英超出場17次,等三月份復出後主力位置已被青訓小將基比斯搶走。本賽季英超7輪後,佢只上場87分鐘,失望之餘佢亦係社交網站Twitter流露去意。
佢既老東家費倫巴治仲未表示興趣,而死敵加拉塔沙雷則先表示買意,佢地既CEO表示:「山度士係我地有意既球員之一。依家我地仲未同阿仙奴或山度士本人接洽。」山度士已經29歲,傷癒複出後狀態大不如前,而阿仙奴有出售老將既傳統,回歸熟悉既土超也許係唔錯既選擇。
係阿仙奴冇得踢,山度士自然無緣人才濟濟既巴西隊,自從2011年美洲國家盃後,佢就再冇代表巴西出場。琴日佢係Twitter表示:“我要聲明我好尊敬費倫巴治,我熱愛伊斯坦堡,但依家我係一名槍手,仲未收到任何一家土耳其球隊既報價。但如果某一天我收到報價,認為咁對我家人係最好既,我會做出決定。

如果喜歡我們的文章,請即分享到︰

標籤: 山度士  

留言


請按此登錄後留言。未成為會員? 立即註冊
    快捷鍵:←
    快捷鍵:→