[教授的話] 雲加:100%內疚

〔請支持「阿仙奴 - 不敗奪冠的代名詞」Facebook專頁!〕
75%的控球、六個命中射門、一個被判越位的入球,阿仙奴最終未能在史篤城身上全取三分。在賽後,雲加承認槍手只能怪自己。以下是他賽後的話:

關於比賽
我們憤怒不單是因為我們未能把握機會入波,而是我們犯了愚蠢的錯誤。我們首先失掉了控球,而之後又未能好好防守。此外,我認為我們攻入了一個有效的入球,但不幸地因為球證的決定而被判不算。
關於拿卡錫迪的入球被判無效
那是100%的入球。我已看過片段,那不是越位。
關於拿卡錫迪的腳當時是否越位
他的腳也不是越位。但即使該入球無效,我們也應該要取得入球。我認為我們失掉了重要的三分。在足球,當我們未能贏波時,我們只能檢討自己。

關於球隊的防守
上星期,我們在角球防守上失掉兩球。李斯特城只有三腳射門,所以我不認為我們的整體防守真的很差,只是在防守死球時差。在今天,我會說我們對於自己今場的失球是100%內疚的(Today I would say that we can look at ourselves and we are 100 per cent guilty on the goal we conceded.)

如果喜歡我們的文章,請即分享到︰

標籤: 教授的話  

留言


請按此登錄後留言。未成為會員? 立即註冊
  • 閒雲野鶴 於 20/08/2017 評論 NO. 1

    #10師兄,雖然我都嬲到差點要掂爛部電視,不過比利連打左邊都唔係冇根據嘅。首先,嚴格嚟講比利連喺阿仙奴著40號波衫喺一隊上陣嘅年代喺冇固定位置,防中都踢過。後來外借屈福特又真係踢過幾場左閘㗎喎。所以佢係 "成名" 之後一路踢右邊。

    講返今場,好簡單,純粹係雲加條茂利唔想放比利連喺板橈

  • 閒雲野鶴 於 20/08/2017 評論 NO. 2

    因為雲加已經長用三中堅,論表現,張伯倫絕對係右路嘅首選。雲加又唔想唔用比利連,寧願繼續畀高拉仙歷打中堅都要塞比利連落場踢。

  • 閒雲野鶴 於 20/08/2017 評論 NO. 3

    半場出嚟即刻失波呢件事真係令人好氣憤,我完全感覺倒呢隊阿仙奴喺人員安排上係嚴重咁攻守失衡。

    沙加作為一個中後場嘅傳球者,居然係冇其他中場可以分擔佢嘅防守工作。呢場波藍斯係走好多,但佢有波就自己去,冇波就第一時間搵位入楔嘅做法,係完全冇考慮過自己冇留後防守嘅重大隱患。舉個例: 上一場艾蘭尼嘅做法就完全唔同,佢對比賽嘅參與度唔高,但係冇波嘅時候並冇每一次都走上去幫拖,好多時都係𥄫實對方負責長傳反攻嘅球員。

    如果參與進攻嘅人多到咁,我真係想講句你不如打返4-2-3-1算啦......

  • 閒雲野鶴 於 20/08/2017 評論 NO. 4

    另外有人話腳越位都係越位,我想講一路聽得最多就係 "越位與否係睇球員軀體,並非肢體,僅僅伸隻腳出去唔會判越位。"

    當然我唔係職業球證,球例係點寫呢一項就真係不得而知。

  • 閒雲野鶴 於 20/08/2017 評論 NO. 5

    反正我睇咗廿年咁耐波,都未聽過會有人話某某球員因為伸出咗啲手手腳腳而畀旁證舉旗判越位!

快捷鍵:←
快捷鍵:→