【槍手潮文視聽版】等...寂寞到夜深

一個鬱悶多年的阿仙奴球迷最真情剖白,
轉會窗關閉前一刻, 終於爆發了!!

十六年喇,我支持咗佢十六年喇,頭十五年我都好支持佢,但係今年暑假,我心裡面換嚟嘅係呢一句"In Arsene We Fuck"。

因為我感覺到佢已經唔係以前嘅佢,佢好似已經唔知道作為球迷嘅我哋想要D乜嘢,之前佢做D乜我都會幫佢解釋幫佢解圍,賣咗韋拉,賣咗基拔圖施華,賣亨利,賣法比加斯,賣拿斯利,賣雲佩斯,眼白白咁見自己心愛嘅球員離開自己心愛嘅球隊,我好難過,但我仍然相信佢,因為我每一年都經歷過...年年頭四,開閘脱腳,季尾連勝,佢不但製造咗球星,亦製造咗有耐性嘅我哋,係呢個moment, 我隻手又放上自己條J上面,上下搖擺,我問自己打飛機有咩用?

的而且確,打飛機係冇用,但係唔打飛機又有咩可以做呢? 有時,我會妒忌其他球隊,好似好容易就買到超級球星,去到上年球季完結,佢親口承認今年球隊有好多錢買人,成8千萬鎊咁多! 什麼蘇亞雷斯,古斯達禾,希古恩,費蘭尼,祖維迪.....加盟阿仙奴睇嚟唔係一件難事,呢個夏天應該大有作為,但係一個暑假嘅過去,我望住電腦上嘅螢幕,蘇亞雷斯唔肯加盟,我會講: 佢紀律唔好! 古斯達禾,希古恩唔加盟,我會批評佢哋冇英超經驗,費蘭尼...我會話佢技術唔得,祖維迪? 傷患連連,唔啱阿仙奴嘅!

係呢一刻,我好迷茫,因為我都開始問自己,呢一年我仲係唔係要繼續支持佢? 去到9月2號嘅晚上,望住時間一分一秒咁過去,我一路望住個Mon一路不停撳F5呢個,一直期待會有好消息帶俾我,一直等一直等。
唔經唔覺,等到早上5點35分,係呢一秒之前我會質疑自己,其實我係唔係真係鍾意呢隊球隊呢? 我係鍾意佢之前嘅成績,希望可以係朋友面前耀武揚威? 但係經歷過呢一秒,我好感動! 原來佢一直都冇忘記我哋,佢知道我哋嘅期望,佢令我更加肯定自己喜歡嘅係乜嘢。係呢一秒,我忍住我嘅淚水,一步一步行出呢個房門口,或者你會問,我捱通宵唔瞓為咗D乜? 我唔知道,係呢一刻我只想高呼一句: In Arsene We Trust!

http://www.youtube.com/watch?v=_Wva3ODxJM4
標籤: 阿仙奴  槍手  奧斯爾  蘇亞雷斯  希古恩  

留言


請按此登錄後留言。未成為會員? 立即註冊
  • 我係峯 於 04/09/2013 評論 NO. 1

    good

  • Double E 於 04/09/2013 評論 NO. 2

    身位阿迷我也没得选择,因为我仲意只系一支球队,就系阿记,如果会对球会变心就唔算系阿记球迷〜

快捷鍵:←
快捷鍵:→