咩話？！曼聯近6次歐洲賽都係比西甲球隊淘汰出局！

剛剛歐霸盃8強次回合中，曼聯作客不敵西維爾總比數5-2出局，有數據出來，曼聯近6次歐洲賽都係比西甲球隊淘汰出局。

17/18球季：歐聯16強 總比數 曼聯1-2西維爾

當年仍然是由摩佬執教，被西維爾淘汰出局後，摩佬在新聞發佈會上表示自己都曾經淘汰曼聯出局令人留下深刻印像。


18/19球季：歐聯8強 總比數 曼聯0-4巴塞


蘇B上任暫代領隊一職後，在16強上演反Cup PSG戲碼，8強首回合主場0-1落後，次回合作客球迷希望曼聯再次上演反Cup戲碼，但美斯梅開二度、古天奴古一招入波及迪基亞送禮下，次回合作客3-0敗於巴塞。
19/20球季：歐霸盃8強 曼聯1-2西維爾


當季因為疫情關係，所有歐洲賽淘汰賽以中立場一場定勝負，該場曼聯先有般奴12碼先開紀律，但西維爾連入兩球反勝。該場失第二球後，般奴向連路迪夫抱怨是他失位導致輸球。
20/21球季： 歐霸盃決賽 曼聯1-1維拉利爾 十二碼(10-11)


事隔數季後，曼聯再次殺入歐霸盃決賽，維拉利爾先憑死球入球，曼聯下半埸靠卡雲尼追和，最後要以十二碼分勝負，前十輪雙方全部射入，第11輪迪基亞射失，失落歐霸盃冠軍。
21/22球季：歐聯16強 總比數 曼聯1-2馬體會.


該季蘭歷克被僱為暫代領隊，首回合作客1-1和馬體會，但次回合主場0-1落敗。

22/23球季： 歐霸盃8強 總比數 曼聯2-4西維爾