越位?唔越位? 分析厄瓜多爾四分鐘越位詐糊

世界盃揭幕戰卡塔爾對厄瓜多爾比賽中,VAR 喺開波幾分鐘後的判決就令球迷有啲摸不著頭腦。

厄瓜多爾前鋒華倫西亞(Enner Valencia)係卡塔爾門將艾舒比(Al Sheeb) 出門打空氣後,憑藉頭球幫助厄瓜多爾取得領先。本來呢個入波係係世界盃開幕戰歷史上最快入球,只係用了160 秒,但經過長時間檢查後,VAR 判定越位在先。

越位

當大家唔知咩係越位,下面解釋一次先。
越位係在最近觸球隊友最後一次觸球時刻判定。處於越位位置本身並唔犯規。係隊友最後一次觸球時處於越位位置球員必須喺球證覺得越位位置球員積極參與比賽,先至犯規。

咁點算係處於越位位置?
如果一名球員頭、身體或腳任何部分係對方球隊的半場內並且球員頭、身體或腳任何部分比粒波同倒數第二個對手更接近對手的球門線,咁球員就處於越位位置。

上面講咗處於越位位置並唔犯規,咁點先解發越位犯規?

係隊友觸球球時,處於越位位置的球員,只有在球證覺得該球員通過以下方式主動參與比賽時,先至比被球證判越位犯規。
(下面內容直譯,可能比較書面語)
1. 干擾玩球: 玩或觸及隊友傳球或觸球
2. 干擾對手: 通過明顯阻擋對手的視線或
向對手爭奪球權或
當這個動作影響到對手或
做出明顯影響對手打球能力的明顯動作
3.通過搶球或乾擾對手獲得優勢:處於越位位置,而獲得從門框(門柱或門楣)或對方隊員身上反彈而來的球。

咁喺今次事件中,托利斯 (Felix Torres)被判越位。咁就首先睇下托利斯有無處於越位位置。
重播顯示厄瓜多爾的艾斯查達(Michael Estrada)在頭球頂高一刻時,因為卡塔爾門將出左龍門想打走粒波,龍門出龍後,球門線最近一名球員並不是龍門,而是另外一位在龍門後面的卡塔爾球員(見圖1),而托利斯隻腳啱啱好超過防守倒數第二個球員。所以係喺越位位置。

艾斯查達頂波一刻,托利斯隻腳 (紅方格) 超過倒數第二個球員(黑方格)
龍門出龍後,球門線倒數第一個球員(藍圈)

咁之後托利斯干擾玩球個一點,托利斯主動參與傳球咁就無爭議。艾斯查達(Michael Estrada)在頭球後,托利斯主動衝去粒到已經可以比球證覺得托利斯主動參與比賽。


由此可見,VAR確實做出了正確決定。但呢個判斷決不影響厄瓜多爾擊敗卡塔爾,取得首勝。
標籤: 厄瓜多爾  卡塔爾  VAR  世界盃  

留言


請按此登錄後留言。未成為會員? 立即註冊
    快捷鍵:←
    快捷鍵:→