【世界盃】家有一老，如有一寶？ 介紹2022世界盃三位最老入選球員 C朗、艾維斯唔係最老？！

2022 世界盃仲有唔夠3日舉行，噚日介紹三位最年輕入選球員。提及到不小年輕球員第一次踏入世界盃大舞台，當然亦都有球員以年齡嚟講係佢哋最後一屆世界盃，今日介紹2022世界盃三位最老入選球員。

[年齡以 2022 年 11 月 20 日世界杯開始時為準。]


第三老
比比 (Pepe)
國藉： 葡萄牙
年齡：39 歲 267 日（1983 年 2 月 26 日）
位置：CB
比比該唔需要介紹，比比喺球會同國家隊都有著輝煌成績，代表了國家隊128次，參與了3屆世界盃及4屆歐國盃，2016歐國盃及2019歐國聯中，幫葡萄牙奪得冠軍，國際賽經驗豐富。比比職業生涯在場上不斷做出暴力傷人行為被人球迷稱為「武僧」，最令人印像深刻係比比喺2014年世界盃中，對陣德國比賽中因用頭頂撞梅拿而領紅被逐離場。但其實近呢幾年「武僧」已經收哂啲氣焰，並不再經常出現暴力傷人動作。雖然收咗火，但比比防守能力仍然存在，葡萄牙需要此經驗的中堅帶領防線，相信會正選披甲出戰世界盃。

第二老
赫捷臣 (Atiba Hutchinson)
國藉： 加拿大
年齡：39 歲 285 日（1983 年 2 月 8 日）
位置：CM
赫捷臣目前效力於土耳其聯賽球會比錫達斯，以97 次代表國家隊的記錄寫入加拿大國家隊出場次數最多的球員。但佢喺加拿大確定未能獲得 2018 年世界杯參賽資格後曾表示想退出國家隊。今季赫捷臣在季初時受傷而未能在9月參加國家隊友誼賽，一度傳出不能趕及復出，但康復時間理想，可以參加世界盃。喺加拿大領隊靴達文(John Herdman)帶領下，加拿大有一股青春風暴，老將赫捷臣仍然重要角色，祈求以老帶新。今屆世界盃將係赫捷臣唯一一次參加世界盃機會，預計可以以正選身份出戰佢嘅第一次世界盃。

第一老
泰拿韋亞 (Alfredo Talavera)
國藉： 墨西哥
年齡：40 歲 63日（1982 年 9 月 18 日）
位置：GK
泰拿韋亞係本屆賽事中最老的球員。泰拿韋亞職業身涯都係墨西哥聯賽效力，國家隊中他代表了墨西哥40場賽事。在 2011 年 3 月北美金杯中首次代表國家隊出場。當時他原本是墨西哥隊的三號龍門，但在一號和二號龍門出現問題後，他成為了球隊的正選龍門，墨西哥隊最終獲得了勝利。這次出色的表演後，他將繼續被墨西哥徵召，泰拿韋亞參加2次世界杯及美洲杯。但墨西哥陣中，有香港熟識的「Sam 哥」奧祖亞(Guillermo Ochoa)入選，相信奧祖亞必定正選龍門，如果奧祖亞沒有任何受傷的話泰拿韋亞應該只能係後備席到渡過今屆世界盃。