2018俄羅斯世界盃B組第二場，亦係今屆暫時最矚目嘅賽事，由葡萄牙大戰西班牙。
開賽僅2分鐘，葡萄牙藉西班牙未站穩陣腳，首次出戰世界盃並正選上陣嘅士砵亭中場般奴費南迪斯接應後場長傳，頭槌二傳俾基斯坦奴朗拿度(C朗)，C朗先壓過今場串演西班牙右翼嘅大衛施華，再推入禁區，以招牌式插花惹來皇家馬德里隊友、取代剛復出丹尼卡華積右閘位嘅拿祖費南迪斯落腳犯規，搏得12碼，C朗親自操刀射入，迪基亞捉錯路，令葡萄牙早早領先。C朗亦繼比利、高路斯、施拉後，成為第4位4戰世界盃決賽周都有入波嘅球員。24分鐘，輪到西班牙前鋒迪亞高哥斯達接應長傳，憑個人單騎技術，追成1:1，雖然過程中迪亞高哥斯達有批㬹之兼，但球證並無任何表示。臨完上半場前，干卡路古迪斯助攻C朗遠射，迪基亞犯錯，誤把皮球拍入網，令葡萄牙領先2:1完半場。下半場戰況仍然激烈，西班牙前場搏得罰球，大衛施華斬向遠柱，布斯基斯頭槌二傳，迪亞高哥斯達門前剷入，個人梅開二度，但及後被換出無法再有機會入波，由伊高艾斯柏斯入替。幸好3分鐘後，拿祖將功補過，遠射中內柱彈入，令西班牙响今場賽事首次領先。但完場前再度失手，C朗搏得罰球，親自射入世界波，個人大演帽子戲法，為葡萄牙逼和西班牙3:3，雙方各得1分。綜觀全場，雖然西班牙賽前突然換帥，但表現未受太大影響。其中左翼伊斯高及前鋒迪亞高哥斯達表現活躍，前者多次响左路同隊友配合，制造唔少功勢，亦有一球中楣波；後者更梅開二度。但西班牙太側重左路進攻，即使有大衛施華串演右翼，但不時响左路出現，令葡萄牙易於防犯。不過，葡萄牙防守上出現明顯嘅問題，多次走漏西班牙後上球員，中場線壓得太前，中場線跟後防距離太大令後防保護力不足，俾西班牙後上球員輕易制造威脅功門。話說如此，雙方合演一場高水平、精采嘅賽事，值得挨夜觀看。
https://www.youtube.com/watch?v=4rp2aLQl7vg
開賽僅2分鐘，葡萄牙藉西班牙未站穩陣腳，首次出戰世界盃並正選上陣嘅士砵亭中場般奴費南迪斯接應後場長傳，頭槌二傳俾基斯坦奴朗拿度(C朗)，C朗先壓過今場串演西班牙右翼嘅大衛施華，再推入禁區，以招牌式插花惹來皇家馬德里隊友、取代剛復出丹尼卡華積右閘位嘅拿祖費南迪斯落腳犯規，搏得12碼，C朗親自操刀射入，迪基亞捉錯路，令葡萄牙早早領先。C朗亦繼比利、高路斯、施拉後，成為第4位4戰世界盃決賽周都有入波嘅球員。24分鐘，輪到西班牙前鋒迪亞高哥斯達接應長傳，憑個人單騎技術，追成1:1，雖然過程中迪亞高哥斯達有批㬹之兼，但球證並無任何表示。臨完上半場前，干卡路古迪斯助攻C朗遠射，迪基亞犯錯，誤把皮球拍入網，令葡萄牙領先2:1完半場。下半場戰況仍然激烈，西班牙前場搏得罰球，大衛施華斬向遠柱，布斯基斯頭槌二傳，迪亞高哥斯達門前剷入，個人梅開二度，但及後被換出無法再有機會入波，由伊高艾斯柏斯入替。幸好3分鐘後，拿祖將功補過，遠射中內柱彈入，令西班牙响今場賽事首次領先。但完場前再度失手，C朗搏得罰球，親自射入世界波，個人大演帽子戲法，為葡萄牙逼和西班牙3:3，雙方各得1分。綜觀全場，雖然西班牙賽前突然換帥，但表現未受太大影響。其中左翼伊斯高及前鋒迪亞高哥斯達表現活躍，前者多次响左路同隊友配合，制造唔少功勢，亦有一球中楣波；後者更梅開二度。但西班牙太側重左路進攻，即使有大衛施華串演右翼，但不時响左路出現，令葡萄牙易於防犯。不過，葡萄牙防守上出現明顯嘅問題，多次走漏西班牙後上球員，中場線壓得太前，中場線跟後防距離太大令後防保護力不足，俾西班牙後上球員輕易制造威脅功門。話說如此，雙方合演一場高水平、精采嘅賽事，值得挨夜觀看。
https://www.youtube.com/watch?v=4rp2aLQl7vg
請按此登錄後留言。未成為會員? 立即註冊