【2018世界盃】葡萄牙決選23人 | 法比奧干查奧棄權

葡萄牙決選2018世界盃23人大軍名單：
*註：球員 (現所屬球會)
門將
安東尼盧比斯 (里昂)、比圖 (Goztepe)、魯爾柏迪斯奧 (士砵亭)
後衛
般奴艾維斯 (格拉斯哥流浪)、薛迪蘇亞利斯 (修咸頓)、荷西方迪 (大連一方)、Mário Rui (拿破里)、比比 (比錫達斯), 拉菲爾古里路 (多蒙特)、列卡度彭利拿 (波圖，下季落實轉會至李斯特城)、 魯賓迪亞斯 (賓菲加)
中場
Adrien Silva (李斯特城)、般奴費南迪斯 (士砵亭)、祖奧馬里奧 (國際米蘭外借至韋斯咸)、莫天奴 (摩納哥), Manuel Fernandes (莫斯科火車頭)、威廉卡維奴 (士砵亭)
前鋒
安達施華 (AC米蘭)、貝蘭度施華 (曼城)、基斯坦奴朗拿度 (皇家馬德里)、謝臣馬田斯 (士砵亭)、干卡路古迪斯 (巴黎聖日耳門外借至華倫西亞)、哥利斯馬 (比錫達斯)
呢份名單看似同2016歐國盃相若，但細心一睇，你會發現前線少咗個熟悉嘅球員—今季由華倫西亞外借至拉素嘅拿尼，拿尼今季受傷患困擾，全季只上陣630分鐘，攻入3入球4助攻，或許教練費蘭度山度士考慮到其狀態問題，大膽棄用呢位主力，況且由巴黎聖日耳門外借至華倫西亞嘅干卡路古迪斯及曼城中場貝蘭度施華今季表現出色，相信前線功力唔會受影響。另外，巴塞隆拿雙將安祖高美斯及尼爾遜森美度、2016歐國盃金童連拿度山齊士分別因表現未如理想遭棄用。而由皇家馬德里外借至士砵亭嘅左閘法比奧干查奧則於Facebook表示考慮到自己嘅身體狀態不太適宜參與世界盃，自動宣布棄權。唯一可惜嘅係，今季表現上佳嘅中場魯賓尼維斯及下半季爆發嘅右閘祖奧簡些路到最後都未能入選。


資料來源：http://www.fpf.pt/pt/News/Todas-as-not%C3%ADcias/Not%C3%ADcia/news/15849