【阿仙奴 3:3 利物浦 | 賽後評論及阿仙奴個別球員評價】

安迪仙奴講波仔 於 29/12/2017 發表 收藏文章
阿記上半場嘅表現可以話係災難級,不斷俾失波,少走位配合,基本上無威脅攻門。第一球失波可以話係不幸,省中哥斯尼彈高,古天奴走位靚,就算格列沙卡追到盡都唔到位;但第二三球就絕對係自己防守問題,點解第二球可以俾人哋一個法明奴引曬兩個中堅去mark, 第三球就更離譜,哥斯尼無喇喇標出黎,搞到完全無人mark法明奴。雖然下半場5分鐘內入三球反勝,值得一贊,但其實有兩球多得祖高美斯同米奴列輪流跳擊。綜觀全場,阿記係唔合格,和到真係執返身彩。宜家正值快車期,雲格應該多輪換球員,雪吓d不在狀態嘅人,包括:
1) 哥斯尼:自從對曼城果場派膠後,場場都有嚴重同明顯嘅失誤,加上今場蒙尼爾受傷,下場起應該考慮起用荷定或哥林張伯斯搭梅斯達菲。
2) 比利連:自從上季季中度開始,發展已經停滯不前,毫無進步,狀態未如理想,加上迪布治近兩場正選一入球一助攻,應該重新嘗試起用迪布治打正選,始終迪布治經驗較好
3) 格列沙卡:經過一年幾嘅觀察,呢條友淨係得傳波同遠射,而且成日犯錯直接累球隊失波。艾蘭尼嘅狀態同表現絕對向沙卡之上。
4) 伊禾比:雖然季前熱身賽同季初狀態同表現上佳,但近月正選表現有嚴重同明顯回落,今場淨係識不斷食身位,仲以為佢打僅籃球!雲加應考慮起用狀態回升嘅韋碧克或超新星列斯尼爾遜。
5) 山齊士:唔知係咪受轉會消息影響,今季表現貨不對辦,不斷死扭爛扭,又唔即時傳波,什至因為扭失波而失控球權俾人打反擊入波,雲加應該儘快處理佢嘅續約問題,一係就一月賣走佢,咪再煩,見到佢啲轉會消息已經好討厭,而且好影響球隊士氣。

如果喜歡我們的文章,請即分享到︰

標籤: 阿仙奴  

留言


請按此登錄後留言。未成為會員? 立即註冊
    快捷鍵:←
    快捷鍵:→