莫耶斯接手皇家蘇斯達後，佢對現時既陣容並唔係太過滿意。而佢就希望喺冬季轉會窗從英超引入兩個新援，對球隊進行補強。
第一位目標就係一直喺熱刺得唔到太多上陣機會既蘇達度，據報熱刺新帥普捷天奴已經對佢失去信任，相信要熱刺放人都唔係太難。而蘇達度既成名地亦係西甲，可能回歸西甲會令佢重獲新生。
第二位目標就係曼聯球員楊格。楊格喺曼聯眾多大牌新援加盟後，喺隊中已經成為咗邊緣人。而大家都知道莫耶斯喜歡用邊路傳中戰術，楊格亦可以算得上一個邊路好手，喺西甲可能會有更好發揮。不過唯一既問題可能係楊格既工資，楊格現時週薪差不多12萬鎊，相信皇馬蘇斯達應該唔會可以俾到咁既人工楊格。楊格肯唔肯減人工過檔可能係關鍵。
不過聽到依個消息可能最開心既係曼聯迷，始終曼聯球迷一直都對楊格麻麻地滿意，如果真係有人肯出錢買走楊格，應該都算得上係一件好事!
來源
請按此登錄後留言。未成為會員? 立即註冊