韋碧克剛剛喺歐冠比賽大演帽子戲法令人看得目瞪口呆，而一向對韋碧克讚賞有加既曼聯名宿加利仔亦向傳媒表示，佢認為韋碧克將會喺雲格手上變成第二個亨利。
加利仔話:”韋碧克一直都好想踢正前鋒，但係佢喺曼聯冇咁既機會，成日都要踢邊路。而好明顯，佢踢正前鋒，佢既速度，勤力同埋First Touch都係非常出色。只要佢有足夠既機會，佢既把握力就會變得越來越強。今個星期日阿仙奴對車路士，泰利同加利卡希爾一定要小心啲。
如果大家仲記得，亨利當初加盟阿仙奴的時候，佢仲係一個左翼。佢既First Touch好差，入球能力亦都好一般，但係經過一段時間佢就變成咗一個頂級射手。
我唔係要將韋碧克等同於亨利，事實上亨利係世上最佳球員之一，亦係英超我面對過既最強球員。但係我好肯定，如果雲格用培養亨利既方法培養韋碧克，佢肯定可以入更多既入球。”
一個月前曼聯賣韋碧克既時候，加利仔已經非常不滿。相信佢見到韋碧克有咁既表現，心裡面都唔知開心定唔開心，開心自己眼光夠準，但係又會嬲點解曼聯要放走佢。韋大帝能唔能夠成為亨利實在言之尚早，但係小心一場就捧到上天喎!
來源:http://www.goal.com/en/news/9/england/2014/10/02/5149851/wenger-can-turn-welbeck-into-henry-gary-neville
請Like足球大小事!
請按此登錄後留言。未成為會員? 立即註冊