迪馬利亞加盟曼聯後，已經迅速成為咗曼聯球迷既寵兒。不過其實喺加盟曼聯之前，一直盛傳佢會加盟法甲PSG，不過最後冇成事。而事主迪馬利亞最近就現身說法。
迪馬利亞話: “因為財政公平原則，PSG唔能夠花太多轉會費，所以佢地唔能夠出到一個合適既價錢令皇馬放人，而依個係我冇加盟PSG既主要原因。”
“嗰陣有好多球隊對我有興趣，不過最後曼聯出現咗，而佢地既出價亦顯示出佢既誠意，所以我最後就加盟咗曼聯!”
被問到由歐聯冠軍皇馬加盟一隊無法踢歐聯既曼聯，迪馬利亞有咩感想既時候，佢就答:”曼聯既足球哲學同皇馬唔一樣，而我喺度踢得好開心。我喺皇馬已經贏過哂所有野，所以我並唔後悔離隊。”
迪馬利亞加盟之後已經顯出佢既實力，亦令人明白點解曼聯要出咁高價買佢，希望佢越踢越好啦!
來源: http://www.espnfc.com/story/2149030/manchester-uniteds-angel-di-maria-money-problems-behind-failed-psg-move
請按此登錄後留言。未成為會員? 立即註冊