2015/02/07 (英超) 阿仙奴 對 熱刺 (半場評)

阿仙奴簡評

作客既阿仙奴陣容上同上週比較只有一個變動，就係由韋碧克取代禾確特出任右翼位置。進攻上依舊由基奧特做目標人物拉空位比韋碧克去斜CUT插入同埋藍斯後上，奧斯爾左翼主要都係拉邊同埋負責傳送，上半場既初段靠韋碧克O係全場球隊唯一一次爆到隊手下加上帶點運氣既情況入到一球領先熱刺，但對手唔係上一場既維拉，領先一球後，受制於對手中前場壓迫加上身型上既輸蝕，中場完全失勢。以致整個下半場既中後段都偏向防守，亦都難而做搓波，面對依種壓迫法，反擊既效率變得相當重要，但現時中前真係有速度既球員就只有韋碧克，雖然支援球員足夠，但實質效果一般。
熱刺簡評

主場既熱刺今場採用4231，當中左翼既艾力臣企位上偏左但好多時都入中間放條線位比丹尼路斯，而上半場見得最多既情況係有幾次由右邊發動再靠左邊WEAK SIDE既丹尼路斯後上，於落後之後已經將整條防線壓前，前面六個進行前半場緊迫，但阿仙奴因為而偏向防守，以致熱刺只可圍住外圍搓入唔到禁區，亦由於主要入禁區既丹比利同埋哈利簡尼都唔係類似基奧特既搶高點球員，因此傳中效果較差，主要攻勢都係來自遠射。

下半場戰況

下半場相信熱刺方面會一樣進行全場搶迫以盡早追平，可以先維持現有踢法，等到70分鐘左右仍未能取得入球就必須換入多1名前鋒加強攻力，由於面對亞仙奴既4141，由中間做入去係好困難，所以兩邊既後上十分緊要，如果踢雙前可以加強返傳中既效果，如果要攻一邊，可考慮由奧斯爾協守既右路，因為奧斯爾既防守意識比較弱，果邊既偏左中場中係辛迪卡蘇拿亦唔係防守了得既球員，所以會比於左路攻上來得容易。而阿仙奴方面領先後雖失勢，但面對外圍搓住既熱刺只守暫時唔會有問題，但於整個下半場都只守對球員既壓力會十分大，所以必須加強反擊效率，我覺得可以換入禾確特取代奧斯爾打兩邊快翼，另熱刺既兩閘有忌諱，簡單運波上前，再由前場護波黎搓去消耗對手迫搶既體力。
暫時睇阿仙奴守得無問題，我又覺得熱刺未必有力入到波，保守估計阿仙奴贏一比零完場。