2015/02/02 (英超) 阿仙奴 對 阿士東維拉 (完場評)

阿仙奴 (下稱阿) 簡評

上半場領先一球情況下，阿其實已經把中前場由半場線閘位縮後少少，面對焗住壓上黎既維拉就利用反擊爭取到2個直線同1個12碼，由於對手極度之弱，後防壓力極細，龍門除左救左上半場尾韋文球波外都無咩野做。整隊都踢得十分舒服，見到奧斯爾同禾確特都幾FIT，相信各位阿迷都十分高興，下半場3個換人都無咩特別戰術改變，簡簡單單輕輕鬆鬆保持勝局就是了。

阿士東維拉 (下稱維) 簡評
維方面真係弱到極點，以往既快速反擊O係依場比賽完全見唔到，當然涉及排陣同埋球員質數問題。基本上除左基爾扭到下波外，其他人O係進攻上既協助可以話係無。實在十分好奇領隊林拔點解會用一個咁既陣式，就如前文所說，整隊波都係欠組織，欠傳送，欠突破，仲欠埋速度，中間果位防中卡路士山齊士，波都唔識傳，傳失又埋怨隊友，要輸到咁上下先換冼佳亞同艾邦拉賀出黎跑下，就佢地既今場既表現黎睇，攻守都好渣，黎緊既護級路應該十分艱辛。