2015/02/01 (英超) 車路士 對 曼城 (半場評)

兩隊基本上都係利用同一種陣式，同一種防守戰術，就係進攻甩波後先全場壓前進行第一層既迫搶，令對手難以過半場，焗對手用長波，而當對手過半場後就會拖慢敵隊進攻等隊友有足夠時間回後再等機會去搶，只留一個前鋒O係前面等反擊。O係咁既狀況下，雙方後防搶到波後只能利用長傳或者個人突破既方法去穿越對手既前場迫搶，整個形勢令成個上半場都變成完全既中場爭奪戰。

唯一最大既分別就係雙方果個單前鋒既突破力，曼城方面阿古路有足夠個人條件進行個人突破甚至有埋射門，車路士方面拿美就未能做到依個效果。而雙方既防中都係屬防守體力型防中，於分波派牌上比較弱，變相兩隊都較倚懶前面4個進行組織。
可以見到雙方中場都好難做到組織，需要前場去護波等待後半場壓上才能做到進攻，直接攻門既機會都甚少。

就在完半場前，車仔把握到沙格拿企位上既漏洞而把握僅有機會，(好奇怪點解沙格拿唔訓同埋甘賓尼唔出腳)，而曼城亦都把握到車仔後防搓失既機會追返一球。相信下半場情況會持續，唯獨係車仔方面因為週中既比賽，O係體力上會比較輸蝕，相信會減少壓迫以守和為主。曼城方面亦因作客關係唔會立亂進取進攻，和味甚濃。