身價大躍升！米蘭球員總值全意大利最貴

米蘭1個月前奪得聯賽冠軍，球員堅毅不屈嘅打不死精神令佢哋多次喺逆境下扭轉頹勢，成功搶分。日前著名網站Transfermarkt就更新咗米蘭球員嘅身價，令米蘭球員以總值€522.40m身價冠絕意甲


以下係5位身價最高球員(唔計即將離隊嘅Kessie)


5.Mike Maignan (35m)

Mike Maignan 貴為意甲門將MVP兼撲救率最高嘅門將，目前喺歐國聯已經有力同熱刺嘅Lorris爭奪正選位置，實力超班，35M絕對係被低估。

4.Sandro Tonali (50m)

呢位22歲年輕(防守)中場今季大爆發，防守穩健之餘更發掘出佢嘅前插能力，季尾對維羅納梅開二度令米蘭搶得珍貴3分。Tonali助攻助守非常全面，活動範圍極大，絕對係歐洲其中一位最有實力嘅年輕中場。


3.Fikayo Tomori (50m)

出身車路士，中堅Tomori絕對適應英超嘅高強度踢法，佢喺到意甲，強大身體質素同速度令佢足以匹敵意甲大部分前鋒。加上用波能力不俗，令佢自然成為意甲其中一位頂級後衞。

2.Theo Hernandez (55m)

今季theo明顯更少參與進攻，更樂意專心防守，補位等，令Leao有更多空間前插。雖然係咁，但佢今季仍交出5球6助攻，以左閘嚟講成績好好。


1.Rafeal Leao (70m)

今季米蘭奪冠一大功臣，超級邊路突破能力令佢稱霸意甲，多次成功1v1甚至1v2輕鬆過人，令對手右路聞風喪膽。Leao今季42場比賽交出14球12次助攻，表現一流。