講起球場上嘅通天老倌，你係咪會諗起Azpilicueta，Saúl Ñíguez，甚至老一輩嘅John O'Shea，Zanetti ?其實米蘭近季亦有2位名不見經傳嘅實用型球員，可以勝任場上多數位置。
==波連尼 (除咗龍門同中堅嘅所有位置)
英超球迷可能對佢有啲認識，呢位中鋒出身，踢過車路士，史雲斯，利物浦同新特蘭嘅前鋒，於17/18賽季加盟米蘭。Borini最出色嘅地方就係衝擊速度快，而且左右腳射術都唔差，偶爾能夠表演精彩遠射。喺Gattuso領軍下，球隊主要踢433同442，Borini憑藉出色嘅工作效率，瘋狂跑動，令佢喺左右翼位都有穩定後備上陣時間，但Borini即使勤力有加，絕非多產射手。後來因為隊友受傷等原因，機緣巧合下Gattuso安排佢喺聯賽以至歐霸分組賽(2次對阿仙奴)擔任右閘，進攻有建設性但防守表現欠佳。佢亦曾經喺意大利杯擔任左閘，效果同樣一般。後來變為Giampaolo及Pioli執教，分別採用4312及4231，Borini出場機會變少，主要擔任中鋒，亦踼過進攻中場，正中場及防守中場。19/20季中，Borini被租借至維羅納，及後轉會法蒂赫卡拉古拉克。Borini於米蘭總共上陣75次，射入8球，交出6個助攻。雖然佢並非一名世界級球員，但敬業精神贏得不少球迷歡心。
==官歷 (中場中，防中，攻中，左右翼，假9)
Rade Krunic司職box to box中場，現時正效力米蘭Krunic自19/20賽季加盟以來都只係後備，但都有穩定上場時間。Giampaolo領軍時期多數採用4312或者433，佢亦有穩定表現。直至Pioli上任，使用4231陣式，冇咗中場中嘅空間，但Krunic嘅搶截唔錯，加上傳球能力唔錯，令Pioli放心叫佢打防守中場。20/21賽季，米蘭有歐霸賽事踢，Pioli亦開始嘗試派Krunic扮演進攻中場以至係右翼，效果唔錯，雖然球隊少咗進攻機會，但Krunic嘅逼搶能力成功增強整體攻守平衡。今季初米蘭嘅左翼Leao，Rebic曾經一齊受傷，Pioli話冇有怕，照叫Krunic打左翼。佢喺進攻上確實做唔到Leao，Rebic等人嘅效果，但成功增強左翼防守力度，令進攻型左閘嘅Theo Hernandez 可以放心向前衝。年輕中鋒P.Pellegri於1月聯賽對陣沙蘭力坦拿迎嚟米蘭第一次首發，卻喺15分鐘就受傷，Krunic臨危受命擔任假9，效果中規中矩。Krunic現在主要踢防中>攻中>翼鋒，係球隊嘅超實用後備。
你又有冇諗起自己愛隊嘅全能球員呢？
==波連尼 (除咗龍門同中堅嘅所有位置)
英超球迷可能對佢有啲認識，呢位中鋒出身，踢過車路士，史雲斯，利物浦同新特蘭嘅前鋒，於17/18賽季加盟米蘭。Borini最出色嘅地方就係衝擊速度快，而且左右腳射術都唔差，偶爾能夠表演精彩遠射。喺Gattuso領軍下，球隊主要踢433同442，Borini憑藉出色嘅工作效率，瘋狂跑動，令佢喺左右翼位都有穩定後備上陣時間，但Borini即使勤力有加，絕非多產射手。後來因為隊友受傷等原因，機緣巧合下Gattuso安排佢喺聯賽以至歐霸分組賽(2次對阿仙奴)擔任右閘，進攻有建設性但防守表現欠佳。佢亦曾經喺意大利杯擔任左閘，效果同樣一般。後來變為Giampaolo及Pioli執教，分別採用4312及4231，Borini出場機會變少，主要擔任中鋒，亦踼過進攻中場，正中場及防守中場。19/20季中，Borini被租借至維羅納，及後轉會法蒂赫卡拉古拉克。Borini於米蘭總共上陣75次，射入8球，交出6個助攻。雖然佢並非一名世界級球員，但敬業精神贏得不少球迷歡心。
==官歷 (中場中，防中，攻中，左右翼，假9)
Rade Krunic司職box to box中場，現時正效力米蘭Krunic自19/20賽季加盟以來都只係後備，但都有穩定上場時間。Giampaolo領軍時期多數採用4312或者433，佢亦有穩定表現。直至Pioli上任，使用4231陣式，冇咗中場中嘅空間，但Krunic嘅搶截唔錯，加上傳球能力唔錯，令Pioli放心叫佢打防守中場。20/21賽季，米蘭有歐霸賽事踢，Pioli亦開始嘗試派Krunic扮演進攻中場以至係右翼，效果唔錯，雖然球隊少咗進攻機會，但Krunic嘅逼搶能力成功增強整體攻守平衡。今季初米蘭嘅左翼Leao，Rebic曾經一齊受傷，Pioli話冇有怕，照叫Krunic打左翼。佢喺進攻上確實做唔到Leao，Rebic等人嘅效果，但成功增強左翼防守力度，令進攻型左閘嘅Theo Hernandez 可以放心向前衝。年輕中鋒P.Pellegri於1月聯賽對陣沙蘭力坦拿迎嚟米蘭第一次首發，卻喺15分鐘就受傷，Krunic臨危受命擔任假9，效果中規中矩。Krunic現在主要踢防中>攻中>翼鋒，係球隊嘅超實用後備。
你又有冇諗起自己愛隊嘅全能球員呢？
請按此登錄後留言。未成為會員? 立即註冊