米蘭後防天才新星--- Kalulu

AC米蘭 Forza Milan 於 11/03/2022 發表 收藏文章
皮埃爾 卡盧盧 (Pierre Kalulu),一位2年前由里昂B隊加盟米蘭嘅右閘球員,可能好多球迷都以為佢只係無乜用嘅後備,點估到佢今年已經成為隊內最耀眼嘅球員之一。


==基本資料

現年21歲嘅Kalulu生於法國里昂,身高1.79米,慣用右腳,但左腳都唔差。年輕時一直效力里昂各階級青年隊,主打右閘,為青年隊共上陣52場,有3球助攻。


==米蘭生涯

Kalulu於19/20賽季加盟米蘭,當時隊內有同樣右閘嘅 D.Calabria,A.Conti 同 1年後加盟嘅D.Dalot,論資排輩佢係第四選擇,初時只可以偶爾喺各種盃賽上陣,後嚟Conti被棄用,Dalot改成左閘替補,Kalulu順理成章變做第二右閘,上陣機會大增。當然佢都要有出色表現先可以出現喺教練視線內。


==地標戰

當時係2020年12月11日,米蘭對布拉格斯巴達嘅歐霸分組賽次回合。米蘭已經肯定晉級,所以派出全副選上陣。主帥派奧利賽前問Kalulu係咪客串過中堅,佢答係,於是就被教練委以重任,上演米蘭地標戰,擔任433嘅左中堅。Kalulu面對陌生位置,憑藉出色天賦同位置感成功零封對手,而且表現相當出色(對手嘅危險進攻唔多,佢亦成功壓制對面嘅雙箭頭)。呢次中堅位置嘅良好表現,為佢日後嘅位置轉換埋下伏筆。


==聯賽首次上陣

當時嘅右中堅Gabbia喺2020年12月14號對帕爾馬嘅賽事上陣五分鐘就受傷退下火線,Kalulu臨危受命被換上場,雖然最後以2-2打和,但其實佢已經做到盡,失球責任並唔可以怪哂佢,表現不俗。


==發展至今

Kalulu因為出色嘅表現令佢成為球隊穩定嘅替補球員,由開頭嘅右閘替補主力,變為現在嘅第三中堅兼兩閘替補(Florenzi主打右閘,令Kalulu喺嗰個位置嘅機會變少)。假以時日佢應該可以成為一粒球壇巨星。


==技術特點
Kalulu速度極快,擅長緊盯對手,截擊力強,加上持球跑動具侵略性,令佢打右閘嘅時間助攻助守都好優秀。佢1.79米嘅身高打中堅一啲都唔輸蝕,皆因彈跳力強,站位準確。佢打中堅時亦唔怕帶球衝前,幫手組織,加上與生俱來嘅防守技術,令佢完全勝任右閘,中堅以至偶爾擔任嘅左閘。


Kalulu無論喺邊個位置都有上佳表現,比賽時非常沉穩,好難想像佢以前從未踢過正式比賽。佢現在已經成為米蘭隊中嘅超級後備,潛力巨大嘅天才新星。如果繼續保持穩定上陣時間,筆者相信佢成為下一個Puyol甚至Tassotti,並非無可能。
標籤: AC米蘭  AC Milan  

留言


請按此登錄後留言。未成為會員? 立即註冊
    快捷鍵:←
    快捷鍵:→