尼祖迪莊堅信AC米蘭可競爭冠軍 自稱鏟球都對波唔對人

今夏轉會期最後時刻，AC米蘭從曼城簽咗荷蘭防中尼祖迪莊，雙方簽約至2015年6月。係上場意甲聯賽中，尼祖迪莊就換上受傷既蒙度利禾出場，上演咗自己係AC米蘭既首秀。尼祖迪莊對自己能夠加盟AC米蘭感到高興:“對我嚟講加盟AC米蘭係個好好既機會，能夠嚟到呢到令我好開心。AC米蘭既氣氛令我留下深刻既印象，大家都好歡迎我。”
隨後尼祖迪莊仲提及到AC米蘭歷史上既荷蘭巨星，“荷蘭三劍客係我既偶像，仲有施多夫，佢同樣係個偉大既球員。從上世紀80年代末既米蘭王朝開始，我就夢想著為AC米蘭效力。 ”
今年夏天AC米蘭連續放走咗多名功勳球員，仲出售咗伊巴謙莫域同提亞高施華呢兩大核心球員。但尼祖迪莊依然對新賽季有信心，“祖雲達斯的確好強大，但AC米蘭仍然可以同佢地爭奪冠軍。AC米蘭依家處於一個過渡時期，球會賣咗一啲球員，而開始重新建設一支年輕既球隊，4年前我係曼城亦經歷過類似既情況。但無論如何都唔會變既係，AC米蘭永遠會為勝利而戰。我地係一支偉大既球隊，唔會害怕任何對手。”
尼祖迪莊既拼搶兇狠作風頑強，但係比賽中佢既防守動作有時會過大，咁亦引起過唔少人既批評。尤其係响2010年世界盃決賽中，尼祖迪莊一記飛腿踼係沙比阿朗素既心口。不過尼祖迪莊表示，“兇狠既鏟球係我既作風，但我絕對唔會故意傷害對手，我既鏟球都係對波唔對人。
”