韋素欲加盟 AC米蘭或以先借後買比利時國腳

AC 米蘭專區 於 31/08/2015 發表 收藏文章
加利亞尼表示伊巴肯定會留喺巴黎聖日耳門,而韋素希望加盟AC米蘭,雖然困難但AC米蘭會繼續嘗試。媒體透露米蘭既開價係300萬歐元租借加2200萬歐元買斷。
喺前日淩晨進行既第2輪意甲聯賽中,米蘭主場2-1戰勝恩波里,取得新賽季既首場勝利。而現場觀戰既米蘭副主席加利亞尼則講到轉會市場,佢表示AC米蘭希望增強中場,韋素願意加盟米蘭,而加總仲表示伊巴今季肯定會留喺巴黎聖日耳門。
雖然獲勝但主帥米哈仍然對球隊既表現唔意,並喺賽後公開表示米蘭需要於中場增兵。對此加利亞尼回應指:“我哋通過鋒線既努力攞到3分,喺前場米蘭有好大改進,前日既比賽證明巴卡同阿祖安奴都表現出係具質素既引援。。”
AC米蘭呢個夏天一直同比利時國腳中場韋素緋聞不斷,加利亞尼表示:“韋素本人願意加盟AC米蘭。但我唔想讓球迷失望,講真呢單轉會要達成協議好困難。等我哋睇下跟住落嚟會點,始終夏季轉會市場要到下週一先關閉。”《足球市場》稱目前辛尼特已經為韋素既離隊亮起綠燈,AC米蘭有望喺兩日內得到球員,米蘭支付300萬歐元租借一季,如果出場超過20次,米蘭將再花費2200萬歐元強制買斷球員。
此前仲有傳聞稱AC米蘭希望簽入伊巴,不過加利亞尼坦言冇可能,“關於伊巴既消息可以結束,佢肯定會留喺巴黎聖日耳門。”巴黎聖日耳門主席此前亦宣佈伊巴肯定留隊。

loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→