球賽大要：幼嫩小紅帽 vs 飢餓大灰狼
今場擔任隊長嘅占士米拿38分鐘中場突然跣腳，Jimenez一個唔該、冷手執個熱煎堆、冷靜單刀射破米洛列十指關；下半場，利物浦憑奧列治51分鐘嘅禁區頂冷箭一度追平至1:1，但係唔夠5分鐘後又被Neves嘅靚遠射領先2:1。
之後，利物浦差啲憑沙基利靚絕嘅罰球扳平，可惜疑似被狼隊門將Ruddy手指尖勉強點到，中內柱邊彈出。去到70分鐘左右，由費明奴同沙拿入替Jones同史杜列治；雖然多咗好多攻勢，可惜回天乏術，最後作客以1:2被狼隊擊敗，於第三輪足總盃出局。
出場排陣：高普失算？還是老謀深算？
今場利物浦係作客對狼隊嘅第三圈足總盃賽事上面，基本上收起大部分主力，排出4-4-2嘅陣容。
龍門用米勞列代替艾利臣；後防亦都面目全非，左右閘分別用雪到硬晒嘅摩蘭奴、同埋得18歲嘅甘馬曹（Camacho），中堅則由防中法賓奴客串、加正選洛夫雲頂住（只係老虎5分鐘就疑似拉傷大腿，由年僅16歲嘅荷蘭新血Hoever頂替。）
中場線方面，由基達搭米拿、右邊沙基利、左邊則放上年僅17歲嘅Curtis Jones。
前線方面，則由同樣雪到硬晒嘅史杜列治同奧列治領銜。
狼隊陣容方面，對比上場對水晶宮輸0-2嘅陣容，亦有5個陣容調整。但係，小弟對狼隊陣容真係唔係話好熟，所以唔敢評論陣容強度，望各位見諒。
對近期都算狀態火熱嘅狼隊，派出咁樣嘅陣容；應該會有唔少人質疑今場高普嘅排陣，同對呢場足總盃賽事嘅態度。甚至有球評家認為：高普今仗嘅排陣，係對呢項賽事以及對手唔尊重嘅表現。
今季相信大部份利迷嘅目標只有一個，就係一嚐聯賽奪標嘅滋味；所以對大部分利迷嚟講，足總盃甚至歐聯係必要情況下，都可以放棄。因此，今仗高普呢個青春冰雪風暴排陣，唯一值得斟酌嘅點就只係，今仗呢個半放棄嘅決定又係唔係真係非常必要，別無他選呢？
起碼作為利迷嘅小弟同意今仗高普嘅排陣。後防本來人腳已經捉襟見肘、中堅傷咗matip、joe Gomez；左右閘Clyne借作出去之後，基本上已冇後備可用；今仗收起冇乜休息過嘅VVD、羅拔臣、TAA決定十分合理，係冇諗過洛夫雲5分鐘就傷出。相信呢下真係對高普嘅部署有嚴重嘅影響，最起碼令下半場換人調動等綁手綁腳。
中場其實陣容唔算特別弱、keita、沙基利、米拿都屬一隊常規陣容、前線收起三叉戟決定非常正路；因為真正面三叉戟差唔多又開季至今，踢足咁多場冇休息過。
整體表現：利記失「足」、焉知非福
雖然排陣方面似乎一開始就暗示住利物浦對呢場波嘅態度，但係今場落場球員嘅精神面貌（除咗三個00後外），小弟唔係太收貨。基本上整個上半場都係被狼隊係利物浦半場擒住黎攻，整隊波毫無默契之餘；亦都見唔到有任何贏波嘅決心，唔知以為踢緊閉門練習賽。
即管如此，今場半力出擊嘅利物浦其實並唔係真係踢得特別差；下半場企穩陣腳之後同狼隊都互有攻守，假如沙基利嘅罰球夠運少少甚至有機會扳平比分。雖然今仗，利物浦賠了夫人又折兵；但塞翁失馬，焉知非福？
值得利迷興幸嘅係，今仗3個分別00後嘅利物浦新血Camacho、Jones同Hoever表現都非常爭氣，特別係Camacho同埋Hoever。好多媒體甚至認為16歲臨危受命嘅荷蘭小將Hoever，先係今仗表現最佳嘅球員。
雖然上半場有少少慌失失嘅表現，但係下半場習慣咗比賽節奏；表現真係算係相當對辦，除咗61分鐘個球唔知做乜之外...後面食住Hélder Costa身位攞埋個波、冷靜推過Ivan Cavaleiro、再係兩個球員中間出到個波俾前面個球，直頭有少少VVD影子。
而Camacho嘅表現亦讓小弟感到驚艷，表現同樣可圈可點。今仗好多攔截、斷球都充分咁反映緊佢嘅球場視野同智慧；只係防守意識真係偏弱、出波亦有非常大嘅改善空；但係整體而言，表現絕對對得住18歲呢個年紀，假以時日或者會係邊路另一顆耀眼嘅新星。
足總盃出局，亦都意味住利物浦只係剩低聯賽同埋歐聯兩條戰線。雖然可以專心應戰，但係後備球員同年輕小將上陣嘅機會進一步削減，對利物浦下半季黎講，真係唔知係好事定壞事...只能說：是福不是禍，是禍躲不過...
至於其他球員表現同評分，會同今場三個00後嘅『青春小紅帽』放埋一齊介紹，密切留意。最後，優勝劣敗；今仗狼隊嘅表現絕對值得贏波晉級，恭喜。
【紅軍球員評分+後備去留】一場屬於三個00後的青春風暴: MOTM－年僅16歲的『BB版VVD』Ki-Jana Hoever （長文）
鍾意利記同埋唔鍾意利記嘅球迷，都可以入嚟下面個page一齊吹下水。講乜都得。
另外想睇我踩單車嘅遊記，都可以like我另一個Page：Steelpedaling。目前為止：馬來西亞。
今場擔任隊長嘅占士米拿38分鐘中場突然跣腳，Jimenez一個唔該、冷手執個熱煎堆、冷靜單刀射破米洛列十指關；下半場，利物浦憑奧列治51分鐘嘅禁區頂冷箭一度追平至1:1，但係唔夠5分鐘後又被Neves嘅靚遠射領先2:1。
之後，利物浦差啲憑沙基利靚絕嘅罰球扳平，可惜疑似被狼隊門將Ruddy手指尖勉強點到，中內柱邊彈出。去到70分鐘左右，由費明奴同沙拿入替Jones同史杜列治；雖然多咗好多攻勢，可惜回天乏術，最後作客以1:2被狼隊擊敗，於第三輪足總盃出局。
出場排陣：高普失算？還是老謀深算？
今場利物浦係作客對狼隊嘅第三圈足總盃賽事上面，基本上收起大部分主力，排出4-4-2嘅陣容。
龍門用米勞列代替艾利臣；後防亦都面目全非，左右閘分別用雪到硬晒嘅摩蘭奴、同埋得18歲嘅甘馬曹（Camacho），中堅則由防中法賓奴客串、加正選洛夫雲頂住（只係老虎5分鐘就疑似拉傷大腿，由年僅16歲嘅荷蘭新血Hoever頂替。）
中場線方面，由基達搭米拿、右邊沙基利、左邊則放上年僅17歲嘅Curtis Jones。
前線方面，則由同樣雪到硬晒嘅史杜列治同奧列治領銜。
狼隊陣容方面，對比上場對水晶宮輸0-2嘅陣容，亦有5個陣容調整。但係，小弟對狼隊陣容真係唔係話好熟，所以唔敢評論陣容強度，望各位見諒。
對近期都算狀態火熱嘅狼隊，派出咁樣嘅陣容；應該會有唔少人質疑今場高普嘅排陣，同對呢場足總盃賽事嘅態度。甚至有球評家認為：高普今仗嘅排陣，係對呢項賽事以及對手唔尊重嘅表現。
今季相信大部份利迷嘅目標只有一個，就係一嚐聯賽奪標嘅滋味；所以對大部分利迷嚟講，足總盃甚至歐聯係必要情況下，都可以放棄。因此，今仗高普呢個青春冰雪風暴排陣，唯一值得斟酌嘅點就只係，今仗呢個半放棄嘅決定又係唔係真係非常必要，別無他選呢？
起碼作為利迷嘅小弟同意今仗高普嘅排陣。後防本來人腳已經捉襟見肘、中堅傷咗matip、joe Gomez；左右閘Clyne借作出去之後，基本上已冇後備可用；今仗收起冇乜休息過嘅VVD、羅拔臣、TAA決定十分合理，係冇諗過洛夫雲5分鐘就傷出。相信呢下真係對高普嘅部署有嚴重嘅影響，最起碼令下半場換人調動等綁手綁腳。
中場其實陣容唔算特別弱、keita、沙基利、米拿都屬一隊常規陣容、前線收起三叉戟決定非常正路；因為真正面三叉戟差唔多又開季至今，踢足咁多場冇休息過。
整體表現：利記失「足」、焉知非福
雖然排陣方面似乎一開始就暗示住利物浦對呢場波嘅態度，但係今場落場球員嘅精神面貌（除咗三個00後外），小弟唔係太收貨。基本上整個上半場都係被狼隊係利物浦半場擒住黎攻，整隊波毫無默契之餘；亦都見唔到有任何贏波嘅決心，唔知以為踢緊閉門練習賽。
即管如此，今場半力出擊嘅利物浦其實並唔係真係踢得特別差；下半場企穩陣腳之後同狼隊都互有攻守，假如沙基利嘅罰球夠運少少甚至有機會扳平比分。雖然今仗，利物浦賠了夫人又折兵；但塞翁失馬，焉知非福？
值得利迷興幸嘅係，今仗3個分別00後嘅利物浦新血Camacho、Jones同Hoever表現都非常爭氣，特別係Camacho同埋Hoever。好多媒體甚至認為16歲臨危受命嘅荷蘭小將Hoever，先係今仗表現最佳嘅球員。
雖然上半場有少少慌失失嘅表現，但係下半場習慣咗比賽節奏；表現真係算係相當對辦，除咗61分鐘個球唔知做乜之外...後面食住Hélder Costa身位攞埋個波、冷靜推過Ivan Cavaleiro、再係兩個球員中間出到個波俾前面個球，直頭有少少VVD影子。
而Camacho嘅表現亦讓小弟感到驚艷，表現同樣可圈可點。今仗好多攔截、斷球都充分咁反映緊佢嘅球場視野同智慧；只係防守意識真係偏弱、出波亦有非常大嘅改善空；但係整體而言，表現絕對對得住18歲呢個年紀，假以時日或者會係邊路另一顆耀眼嘅新星。
足總盃出局，亦都意味住利物浦只係剩低聯賽同埋歐聯兩條戰線。雖然可以專心應戰，但係後備球員同年輕小將上陣嘅機會進一步削減，對利物浦下半季黎講，真係唔知係好事定壞事...只能說：是福不是禍，是禍躲不過...
至於其他球員表現同評分，會同今場三個00後嘅『青春小紅帽』放埋一齊介紹，密切留意。最後，優勝劣敗；今仗狼隊嘅表現絕對值得贏波晉級，恭喜。
【紅軍球員評分+後備去留】一場屬於三個00後的青春風暴: MOTM－年僅16歲的『BB版VVD』Ki-Jana Hoever （長文）
鍾意利記同埋唔鍾意利記嘅球迷，都可以入嚟下面個page一齊吹下水。講乜都得。
另外想睇我踩單車嘅遊記，都可以like我另一個Page：Steelpedaling。目前為止：馬來西亞。
請按此登錄後留言。未成為會員? 立即註冊