今場對住榜尾嘅富咸，我哋真係全場㩒住對面嚟踢，贏波係預期中嘅賽果。但係我哋係唔係真係踢得好好呢？唔係。我哋仲有好多好多要改善嘅地方。
今場嘅防守我認為值9分。VVD仍舊穩如泰山，AB13繼續表現穩定；但係Joe Gomez真係要再集中少少。好似上半場走漏咗個球，對面如果把握力稍為好少少嘅話，我哋已經落後緊0-1。
進攻方面我就認為只係值6分。創造機會方面，從來都唔係問題；我哋而家嘅問題係把握力不足，成日浪費黃金機會。其實以我哋上半場所創造嘅機會，45分鐘內就起碼要入到一球。另外，對住富咸，我哋中場都仲係會出現唔應該有嘅低級甩波、斷纜，呢啲看似唔多重要嘅低級失誤對好似曼城、車仔咁嘅強隊，好多時就係決定勝負嘅關鍵。（BTW如果文尼可以再團隊合作精神高少少嘅話，相信前面會入更加多波，）
唔好怪我係咁彈隊波，雖然贏2-0係值得開心，而且第一球死裡逃生再反kup對面一粒個下真係好Hign；但係唔好忘記，我哋今場對緊嘅係榜尾1勝2和9負、得5分、排包尾嘅富咸。
當然，整體黎講，今場對波表現係合格嘅。我哋終於今場踢翻4-2-3-1。睇排陣，沙拿最前、文尼右、費明奴左、沙基利攻中，但係踢落似4-2-2-2，費明奴會經常同沙基利換位；個人認為會係唔錯嘅嘗試。
中場有沙基利感覺流暢咗唔少，起碼箍到個波；入球個下，更加完全展現到佢嘅質素。如無意外，沙基利應該會慢慢取代米拿嘅正選位置（除非特殊情況／對強隊，我哋想摸和對面博1分）。
另外上兩場俾人彈到飛起嘅TAA同埋法賓奴，今場都好似回服正常。特別係法賓奴，少咗好多慢半拍嘅情況出現；上半場19分鐘，半場放個（L1三角？）放過高波俾TAA個個球就睇得出佢波底同軒達臣真係有差別。再夾熟少少的話，佢係後面放嘅冷箭，隨時會係我哋撕破僵局嘅秘密武器。我相信佢同沙基利會係我哋以後中場嘅核心。
至於韋拿杜姆，個人認為佢係今季利物浦最穩定嘅中場。但係，好明顯佢創造力同迪布尼／施華嗰啲真係差唔知一班；希望嚟緊可以見到多啲基達上場，基達絕對有潛力同質素，但係需要多啲上陣嘅機會同隊波夾熟啲。如果基達都踢起埋，我哋條中場線將會非常，係非常好J！
我認為今年嘅利物浦同往年嘅利物浦最大嘅分別，係我哋上季真係限米煮限飯，只能寄望球隊以蔗渣價錢踢出燒鵝嘅味道。但係今年，我哋球隊陣容，終於又醜小鴨等到變身天鵝肉。多咗好多有質素嘅球員；或者而家我哋未必可以即刻踢多頂級嘅表現；但係我哋絕對有潛力，砌一個可以同任何球隊抗衡嘅超強陣容。所以，我諗點解今年，利記球迷會對自己嘅愛隊更加嚴格；因為今年利物浦真係值得期望，加油！衝呀！
最後，曼聯加油呀！（Only今晚）
10:09pm (Vietnam Time）
11-11-2018
鍾意利記嘅朋友，快啲follow我哋個FB Page啦！
另外，下面條Link係小弟踩單車去利物浦嘅Fb Page－SteelPedaling！我會盡力努力剪精彩啲嘅片，同埋再練熟支筆！好想繼續用生命去寫屬於自己嘅故事，快啲Follow我啦！同埋幫我share下啦！如果可以嘅話，我想靠我嘅文字支撐我走更遠嘅路！
今場嘅防守我認為值9分。VVD仍舊穩如泰山，AB13繼續表現穩定；但係Joe Gomez真係要再集中少少。好似上半場走漏咗個球，對面如果把握力稍為好少少嘅話，我哋已經落後緊0-1。
進攻方面我就認為只係值6分。創造機會方面，從來都唔係問題；我哋而家嘅問題係把握力不足，成日浪費黃金機會。其實以我哋上半場所創造嘅機會，45分鐘內就起碼要入到一球。另外，對住富咸，我哋中場都仲係會出現唔應該有嘅低級甩波、斷纜，呢啲看似唔多重要嘅低級失誤對好似曼城、車仔咁嘅強隊，好多時就係決定勝負嘅關鍵。（BTW如果文尼可以再團隊合作精神高少少嘅話，相信前面會入更加多波，）
唔好怪我係咁彈隊波，雖然贏2-0係值得開心，而且第一球死裡逃生再反kup對面一粒個下真係好Hign；但係唔好忘記，我哋今場對緊嘅係榜尾1勝2和9負、得5分、排包尾嘅富咸。
當然，整體黎講，今場對波表現係合格嘅。我哋終於今場踢翻4-2-3-1。睇排陣，沙拿最前、文尼右、費明奴左、沙基利攻中，但係踢落似4-2-2-2，費明奴會經常同沙基利換位；個人認為會係唔錯嘅嘗試。
中場有沙基利感覺流暢咗唔少，起碼箍到個波；入球個下，更加完全展現到佢嘅質素。如無意外，沙基利應該會慢慢取代米拿嘅正選位置（除非特殊情況／對強隊，我哋想摸和對面博1分）。
另外上兩場俾人彈到飛起嘅TAA同埋法賓奴，今場都好似回服正常。特別係法賓奴，少咗好多慢半拍嘅情況出現；上半場19分鐘，半場放個（L1三角？）放過高波俾TAA個個球就睇得出佢波底同軒達臣真係有差別。再夾熟少少的話，佢係後面放嘅冷箭，隨時會係我哋撕破僵局嘅秘密武器。我相信佢同沙基利會係我哋以後中場嘅核心。
至於韋拿杜姆，個人認為佢係今季利物浦最穩定嘅中場。但係，好明顯佢創造力同迪布尼／施華嗰啲真係差唔知一班；希望嚟緊可以見到多啲基達上場，基達絕對有潛力同質素，但係需要多啲上陣嘅機會同隊波夾熟啲。如果基達都踢起埋，我哋條中場線將會非常，係非常好J！
我認為今年嘅利物浦同往年嘅利物浦最大嘅分別，係我哋上季真係限米煮限飯，只能寄望球隊以蔗渣價錢踢出燒鵝嘅味道。但係今年，我哋球隊陣容，終於又醜小鴨等到變身天鵝肉。多咗好多有質素嘅球員；或者而家我哋未必可以即刻踢多頂級嘅表現；但係我哋絕對有潛力，砌一個可以同任何球隊抗衡嘅超強陣容。所以，我諗點解今年，利記球迷會對自己嘅愛隊更加嚴格；因為今年利物浦真係值得期望，加油！衝呀！
最後，曼聯加油呀！（Only今晚）
10:09pm (Vietnam Time）
11-11-2018
鍾意利記嘅朋友，快啲follow我哋個FB Page啦！
另外，下面條Link係小弟踩單車去利物浦嘅Fb Page－SteelPedaling！我會盡力努力剪精彩啲嘅片，同埋再練熟支筆！好想繼續用生命去寫屬於自己嘅故事，快啲Follow我啦！同埋幫我share下啦！如果可以嘅話，我想靠我嘅文字支撐我走更遠嘅路！
請按此登錄後留言。未成為會員? 立即註冊