一起身，已經輸緊1：0，唔夠1分鐘再輸多球。開波10分鐘已經失兩個作客入球，心諗：屌，唔撚係下？我訓醒未呀？然後成個上半場，雖然我哋都有幾個零星嘅靚組織，但基本上都係畀多仔撳住制。去到下半場，一開波追返一球冇耐又即刻失一球，個種感覺比一開波輸兩球更沮喪，因為當你見到少少希望嘅時候又一盆冷水淋落嚟。
成場波最關鍵嘅轉捩點係60分鐘高普嘅換人，用祖阿倫同史杜列治換入今場冇乜表現嘅拉蘭拿同費明奴，效果可以話立竿見影，最主要原因係：拉蘭拿、費明奴、古天奴都係要上腳多過駁腳、分波嘅球員，變咗中間基本上連唔起前場同後場，所以上半場會成日見到利物浦啲波係咁甩，同埋交唔到前，係咁回後嘅尷尬情況。換入祖阿倫後，佢嘅幫波、走位基本上來講可以話係令到成隊波舒筋活絡，再加上前面多咗個目標拉鬆多仔後防。
雖然換人係立竿見影，但真係冇諗過可以30分鐘追3球！有太多時候，人生就好似一場球賽，可能一開波就已經輸緊兩球或者三球，要怨天尤人、放軟手腳接受「命運」定用盡所有力氣，明知機會渺茫、癡人說夢都放手一搏，係決定奇跡會否出現嘅最基本分野。
或者係殘酷嘅現實中，我哋可能已經唔記得咗咩叫希望、咩叫熱血、咩叫未到最後一刻都唔好放棄。今晚係晏菲路球場所創造嘅奇蹟，會重新提醒我哋：放棄，就乜柒都冇；唔放棄，或者仲有一絲希望；然後剩低嘅就係用毫無緣由嘅信心，相信自己會成功，然後All In，放手一搏。放手一搏，唔放棄未必一定會贏，但放棄一定會輸。
#唔要輸 #寧願失敗都唔要放棄 #奇跡 #掉哪媽頂硬上 #放棄就乜柒都冇 #AllIn
成場波最關鍵嘅轉捩點係60分鐘高普嘅換人，用祖阿倫同史杜列治換入今場冇乜表現嘅拉蘭拿同費明奴，效果可以話立竿見影，最主要原因係：拉蘭拿、費明奴、古天奴都係要上腳多過駁腳、分波嘅球員，變咗中間基本上連唔起前場同後場，所以上半場會成日見到利物浦啲波係咁甩，同埋交唔到前，係咁回後嘅尷尬情況。換入祖阿倫後，佢嘅幫波、走位基本上來講可以話係令到成隊波舒筋活絡，再加上前面多咗個目標拉鬆多仔後防。
雖然換人係立竿見影，但真係冇諗過可以30分鐘追3球！有太多時候，人生就好似一場球賽，可能一開波就已經輸緊兩球或者三球，要怨天尤人、放軟手腳接受「命運」定用盡所有力氣，明知機會渺茫、癡人說夢都放手一搏，係決定奇跡會否出現嘅最基本分野。
或者係殘酷嘅現實中，我哋可能已經唔記得咗咩叫希望、咩叫熱血、咩叫未到最後一刻都唔好放棄。今晚係晏菲路球場所創造嘅奇蹟，會重新提醒我哋：放棄，就乜柒都冇；唔放棄，或者仲有一絲希望；然後剩低嘅就係用毫無緣由嘅信心，相信自己會成功，然後All In，放手一搏。放手一搏，唔放棄未必一定會贏，但放棄一定會輸。
#唔要輸 #寧願失敗都唔要放棄 #奇跡 #掉哪媽頂硬上 #放棄就乜柒都冇 #AllIn
請按此登錄後留言。未成為會員? 立即註冊