《對阿仙奴球員來說,山齊士走絕對是可喜可賀》

無名英雄 於 05/02/2018 發表 收藏文章
《對阿仙奴球員來說,山齊士走絕對是可喜可賀》

致Alexis:

首先,要多謝您呢幾年黎既努力同賣命,無左您可能好多比賽我地已經輸左,今日你既離開,唔會令我地忘記你既付出。雖然你最終選擇了我們的死敵曼聯,但我地仍然會尊重你既決定,始終作為球員,都係一份職業,為左出糧既一刻,人往高處走乃是正常不過的選擇。

一路順風!
 
                                       某阿仙奴球員上


放低筆後,這位不知名的阿仙奴球員便與其他隊友一同圍在一起,一起慶祝山齊士的離隊。首先,作為隊中最得寵的韋舒亞點著香煙便說:「早就應該走啦,大球星咁款,傳球波傳失又鬧,走位慢左又鬧。我地未出聲,佢憑咩出聲?」

梳梳頭髮的藍斯立即附和「太子」:「之前對愛華頓個場比賽,傳失球波,即使比佢伸哂手鬧,大佬你無傳失過波咩?咁多對眼望住,比比面好喎!」韋舒亞不忘立即遞上香煙,為愈講愈激動的藍斯下下火。

那時候扶著拐杖的卡索拿都不忙加把口:「雖然佢係陣中最好波既球員,但對勝利就過於執著,你地都知打份工姐,三分唔三分有咩咁重要?最重要季尾拎到第四,咪又一季囉?」

隊中資歷較深的隊長梅迪薩卡明顯較為冷靜:「其實我早排都留意到佢練波個陣,不時都同高基連、張伯倫佢地嘈,本身以為大家都係口頭上嘈幾句,估唔到大家一直都對佢幾唔滿意。但點都好,人都走左,大家比心機踢埋今季佢啦,當比比面我,今季之後我都同大家講再見啦!」講完後「大梅」便舉起酒杯向大家敬酒,一口乾了這杯啤酒。

一向深得隊友歡心的韋碧克立即上前向隊長碰碰酒杯後,一面得戚地講:「雖然山齊士走左,但好彩我地有米希達利恩同奧巴美揚黎,之前睇過佢地係德甲多蒙特踢波都幾有料,黎到應該比到唔少靚波我入既!」說罷伊禾比同一眾隊友眼見韋碧克得得戚戚,便上前整蠱這位「網上世界足球先生」。
正當大家玩得高興之際,領隊雲爺爺突然推門而入,一眼看到的是桌上的啤酒、地上的煙頭及花生殼,正當一眾球員大為震驚,心在想誰是「二五仔」之際,剛剛與雲加簽完「肥約」的奧斯爾立即為老闆遞上雪茄。

可惜,雲加一手拒絕大眼仔的好意,大家低頭沉默之際,雲加突然開口:「對於山齊士離隊,我都知你地好開心,但其實......我都係!頂佢個肺,上季話走話走,都已經比佢走嫁啦,又走唔到。過埋今季我地一蚊都收唔到嫁麻,好彩曼聯呢條水魚肯出三千五執走左呢條麻煩友。」說罷後一眾隊友立即為老闆歡呼,雲加亦不忘擺出老闆款:「你地班友仔食還食,唔好比記者影到,如果唔係我又有排解啦。另外,我老啦,雪茄呢啲野唔啱我嫁啦!」

(以上是虛構故事,認真,你便輸了。)

給一分支持!給我們一個Like!無名英雄
https://www.facebook.com/UnHeroo

留言


請按此登錄後留言。未成為會員? 立即註冊
  • Hola Konichiwa 於 05/02/2018 評論 NO. 1

    奧瀟同最高級數嘅人踢過,佢先最了解山神其實未到嗰個級數。

  • 閒雲野鶴 於 05/02/2018 評論 NO. 2

    卡蘇拿唔似會講嗰啲說話, 反而鐵打正選格烈沙加就似

  • 胡利 於 05/02/2018 評論 NO. 3

    其實呢篇文章可以删除。

  • ericsaintmartin 於 06/02/2018 評論 NO. 4

    雲爺爺句"頂佢個肺"真心正

  • lcsong 於 06/02/2018 評論 NO. 5

    作得過左啲囉

快捷鍵:←
快捷鍵:→