[無名英雄] 五球失球中，卡斯拿斯對哪失球有責任? 精選

由 無名英雄 於 14/06/2014 發表 收藏文章
顯示分享連結
[無名英雄] 五球失球中，卡斯拿斯對哪失球有責任?
給一分支持！給我們一個Like！無名英雄
https://www.facebook.com/UnHeroo

昨晚筆者繼續捱夜睇世界盃，最意想不到應該是西班牙大敗給荷蘭，加上卡斯拿斯的接連犯錯，今集無名英雄同大家分析一下五個入球中，究竟卡斯拿斯對哪失球有責任。

http://cdn.fansided.com/wp-content/blogs.dir/229/files/2014/06/RVP-1-1.gif
第一球失球，無可否認的是雲佩斯頂得十分漂亮，加上突發性的一記長傳，卡斯拿斯輕出球門出迎亦十分正常，因此第一球只可埋怨對手技術水平太高，卡斯拿斯已盡其職責。

http://cdn.fansided.com/wp-content/blogs.dir/229/files/2014/06/Robben-1-21.gif
第二球，卡斯拿斯負的責任最少。因為同樣來自長傳，洛賓控球後兩名中堅比莊及沙治奧拉莫斯一同協防，最大意的是比基身處洛賓的左方，卻被他輕易cup過，就正左腳的情況下，加上距離極近一記勁射球網。卡斯拿斯可以做到的並不多，最多只能提醒隊友的協防。

http://cdn.fansided.com/wp-content/blogs.dir/229/files/2014/06/de-Vrij-1-2.gif
第三球，筆者覺得略有爭議性。首先，卡斯拿斯曾在判斷高球落點位置，從而讓對手輕易從後柱頂入。同時，最關鍵的是雲佩斯有撞到門將之嫌，雖則動作不太明顯，但小禁區向來是較偏向保護門將，加上世界盃首戰巴西同樣受益於裁判的判決，當中有一球奧歷撞到祖利奧施薩同樣被批犯規。
http://cdn.fansided.com/wp-content/blogs.dir/229/files/2014/06/RVP-2-1.gif
第四球是最肉酸的犯錯，西班牙一向以短傳進攻，就連門將亦甚少接應隊友後回傳，但卡斯拿斯老貓燒鬚控失球被雲佩斯搶奪皮球。這球毫無疑問是卡斯拿斯個人犯錯問題，同樣對其自信亦造成最大打擊的一個失球。

http://cdn.fansided.com/wp-content/blogs.dir/229/files/2014/06/robben-2-2.gif
而最後一失球，筆者認為卡斯拿斯負的責任不大。首先，這個失球被洛賓一人爆速，當中拉莫斯能在比賽尾段仍有力追到洛賓已算盡責，直到卡斯拿斯決定出近之際，決定亦正確，雖然洛賓向來是左腳球員，但其右腳卻不是完全無用，因此進攻球員有可能用右腳射遠柱。其後，洛賓轉身擺回左腳，卡斯拿斯在站立的情況下其實轉數自然沒有進攻球員般快，最終只能失重心盡力一撲。至於拉莫斯因卡斯拿斯的阻礙後，便回到白界希望護空門。

這個入球中，西班牙防線亦被荷蘭完全劃破，除了洛賓的個人表演下，左路的Lens極速後上更將比基撞跌，因此最後的一球只有兩人在協防。

最後，筆者不得不為卡斯拿斯說幾番好話，首先卡斯拿斯近季狀態明顯不及早年，摩連奴及安察洛堤兩大皇馬主都將卡斯拿斯放後備，偏重用迪亞高盧比斯，缺乏比賽的鍛鍊下難免狀態有不足，但來到西班牙國家隊其正選卻穩如泰山(迪亞高盧比斯甚至連入選國家隊機會都沒有)，因此便繼續硬著去踢正選。另外，不得不批評比基及拉莫斯兩人今場比賽明顯處於下下風，間接害死了卡斯拿斯。

留言


請按此登錄後留言。未成為會員? 立即註冊
  • lap_hei 於 14/06/2014 評論 NO. 1

    筆者太仁慈了吧。。不是他的錯，難道是吾的過？

  • Heisley Lam 於 14/06/2014 評論 NO. 2

    卡斯一路以來係聯賽做後備都會全力支持Lopez ，就算知道無得岀聯賽佢都會努力練習，係整季有限既時間依然可以有好表現，咁已經足夠去爭取正選，雖然歐冠決賽表現唔係狀態( 個人認為決賽既失誤導致卡斯失去門將信心) 但佢領導後防既領導力一定比連拿/De Gea/Lopez 好，今場西班牙大敗不只是卡斯錯，唔該d球迷睇清楚左邊艾巴長期進攻，只有拉莫斯同比基對負對方右邊快速防反，後防都好大問題。係你可以話卡斯今年狀態不及以前，我都認同可能 de Gea 係要上位，但請大家支持佢，我支持卡斯唔代表希望佢正選，係當佢岀場狀態唔好唔係笑佢話佢差，龍門唔同其他10個場上球員，佢都會失落無狀態，如果你未打過龍門，你永遠唔會知道龍門既壓力，但我可以講既係今場大敗卡斯同全隊西班牙一樣都有自己既責任，完全唔覺得只係卡斯一個人既失誤。佢只係今場注意力不夠，希望大家respect casillas !

  • 廖映先 於 14/06/2014 評論 NO. 3

    個人認為只有第四球

  • Andy Yip 於 14/06/2014 評論 NO. 4

    其實最差係沙治奥拉莫斯同碧基，不過尼班波都走下坡啦，聯賽踢到殘哂！

  • anson2468 於 15/06/2014 評論 NO. 5

    摩佬講過唔用佢因為佢攞要西甲冠軍後狀態開始down，到安帥上位有唔用証明左佢真係有問題。有人話第五球拉莫斯責任大，但係洛賓出名快嘛，拉莫斯已經冇放棄追、盡晒力啦。其實最大問題都係戰術問題，後防推得太前，右閘由艾比路亞(好似係)轉左人之後明顯防守意識、補位方面差左，搞到biggay同拉莫斯比對面更容易玩到轉嚟轉回。聖卡斯係隊長，未必會唔出佢，因為咁會嚴重打擊士氣，不過迪保斯基已經開聲話冇需要改變，唯有留名等睇佢翻生

  • anson2468 於 15/06/2014 評論 NO. 6

    ps.攞完西甲冠軍

  • anson2468 於 15/06/2014 評論 NO. 7

    ps.轉嚟轉去

  • Nelson L. Wong 於 15/06/2014 評論 NO. 8

    敢問點解「被雪到無態」係一個情有可原嘅理由？
    1. 係 「被雪至無態」 定係「無態致被雪」？你當摩佬同肥安傻㗎？好地地做乜無端端咁得閒雪你？
    2. 無態過主讓位唔係理所當然的嗎？

  • Tsz Fung Chan 於 15/06/2014 評論 NO. 9

    樓上唔通你認為卡斯如果長期有得打好唔過盧比斯?

  • Tsz Fung Chan 於 15/06/2014 評論 NO. 10

    最尾連擋兩球就係佢好既表現但係無人講

  • Tsz Fung Chan 於 15/06/2014 評論 NO. 11

    佢同摩帥好明顯係因為意見分歧先比人雪好果時無人講差果時一沉百踩

  • Tsz Fung Chan 於 15/06/2014 評論 NO. 12

    其實全隊都踢得唔好先輸得今勁唔可以賴哂佢

專欄簡介

無名英雄 球場上趣聞、球壇最多重要資訊、賽後分析、筆者無聊之見 盡在 無名英雄！

編輯簡介

howardx 我係侯活。 是一名... 球場上的發燒友 球場外的小作家 剛出來社會的迷途小羔羊 愛寫文章，以文會友論足球，在網上只是一名無名作家。
快捷鍵：←
快捷鍵：→