[無名英雄] ｜幸福的煩惱 精選

[無名英雄] ｜幸福的煩惱
不多強隊都會面對著幸福的煩惱，人腳充裕，令到不少應有實力踢正選位置的球員都無奈地只好坐後備席。「幸福」是指領隊可以有咁多好球員選擇，「煩惱」就是真係太多好球員但又冇足夠比賽機會給佢地發揮，令到不少球員都怨聲載道。今集無名英雄一於講幾個煩惱比大家聽，如果大家係領隊點樣解決好？受害者：柏歷連尼
幸福與煩惱：前鋒線(阿古路、迪斯高、尼格度)
短短半季，球隊已攻入100球，柏歷連尼一手將西甲的尼格度帶來英超，後者並沒有好像同鄉蘇達度「水肚不服」，反而之力壓阿古路成為首席射手。本季三大前鋒的陣內射手榜「一哥」爭奪戰也是爭持激烈，尼格度暫時入21球領先，多阿古路1球，迪斯高則入16球。
球隊前鋒線大多數都會有兩名球員實力較強，以曼城來計，應是尼格度及阿古路，但今季迪斯高卻爭一口氣，在阿古路早一陣子受傷時，表現可人，助球隊繼續大殺四方，令到柏歷連尼真係諗到頭都痛！最可怕的事終於要發生，就係阿古路最近終於復出，其表現更是如以往一般銳利。

球隊三大殺手重出江湖，柏歷連尼，睇你點揀！