Royce Sports 足球中心 一站式為您提供所有關於足球嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/
喺依度寫有關曼聯嘅文章已經係第三個年頭，好感謝Royce Sports俾個空間我寫一寫感受。對一個從小學開始就怕上作文堂到依家平均每星期要出一篇文嘅筆者嚟講，簡直係一件從未想過嘅一件事。
我同Royce Sports點樣開始合作？
回想番2019年8月，第一次見到依度招人寫文章，就膽粗粗聯絡負責人，話自己有興趣加入。然後，應該係K11師兄就叫我交篇文俾佢哋睇，睇完無問題就出咗自己人生第一篇文章，題目就係「普巴與連加特」。結果讀者嘅反應出奇地好，之後就繼續寫落去，而題材都係自由發揮。寫到咁上吓，唔記得點解就寫埋賽後檢討，嗰陣時犀利喇，我同K11師兄每場比賽之後各寫一篇賽後報告俾讀者，讀者可以憑著喜好揀自己喜歡嘅睇。到咗2019-2020球季完咗，好似無咩可以寫，我就諗不如寫吓曼聯名宿，而咁啱自己有2001-2018球季Season Review可以作參考，所以就開始寫，直到依家寫過卡域克、雲尼斯杜萊、朴智星、C朗、香川真司、科蘭同雲達沙。點解筆名叫「多奇」？
當師兄叫自己諗個筆名，心想死喇原來寫文章係需要有個外號，筆者第一時間諗到「多奇」，無錯就係北斗之拳裡面嘅二師兄「多奇」。原因係自己同多奇一樣傷病纏身，而自己真係好鍾意「多奇」嗰種和藹親切嘅性格，再加上佢實力深不可測，所以就用佢嚟做筆名。
喺Royce Sports寫文章有咩得著？
得著係想像唔到咁豐富。首先，就係學識反思。初初寫作錯漏百出，錯字、資料不全經常出現，但慢慢發覺Royce Sports俾個咁難得嘅機會同空間自己，講真寫作好過我嘅人大有人在，既然係咁自己真係要學習珍惜。其次，就係識得面對讀者。由最初自己唔識得面對讀者回應，甚至係唔敢睇留言，直到依家能夠接納到唔同讀者嘅聲音，明白到有啲讀者會認同自己觀點，有啲會反對，而有啲就無意見。其實，寫文章唔係一味要讀者贊同，有時能夠引起討論嘅話題亦都算係有價值。最後，當然就係識到一班喺度合作嘅工作人員，雖然自己從未見過佢哋，但當中佢哋所俾我嘅支持係好多，尤其係自己寫作去到樽頸位時所俾我嘅提示。而自己面對低潮時能夠鼓勵我再次爬番起身嘅人就係佢哋，係佢哋令我明白到出到每篇文章係有賴大家嘅團隊合作，自己其實只係團隊嘅一部份。
喺依兩年有無咩代表作？
我認為第一篇嘅代表作就係「般奴費蘭迪斯喺曼聯成功嘅原因」，個「蘭」字係錯，應該係「南」，依篇唔單止曼聯迷會睇，反曼聯迷亦都談論依篇文章。仲有就係「球員時代卡域克的存在價值」，因為自己超鍾意卡域克，但又好少人寫佢所以就嘗試寫吓，點知回應係意料之外多。其他嘅仲有「雲尼斯杜萊的離隊是否太早」，「點解朴智星喺曼聯取得咁好嘅成就」同「甸恩軒達臣還是迪基亞」都寫得唔錯，而我感到最可惜嘅就係「7號鬪神-卡雲尼」未能夠喺球迷世界出現，其實依篇都係值得一睇。
自己對將來嘅方向？
希望可以繼續為Royce Sports寫文章，如果可以同K11師兄佢哋見個面食吓飯就更好喇。不過，我知佢哋為咗打理依個體育平台都好忙，所以見面嘅事就睇緣份啦。另外，自己都希望可以寫有關復元嘅文章，因為自己其實係一位復元人士，能夠分享自己經歷去幫助其他人都係我心願，同埋都可以俾其他人睇到復元人士係有能力喺依個社會立足，只要係肯付出努力的話。仲有我係好希望可以回應吓讀者嘅post，無論係讚賞定批評，等可以同球迷有個互動空間。最後就希望可以代表香港參加Dream World Cup，不過之前因為疫情嘅關係而停辦，依家惟有等疫情好番啲再參加啦。
其實要同你哋講嘅嘢仲有好多，但時間問題唯有寫到依度為止。喺度再次感謝Royce Sports俾機會我同幫助我咁多。
Royce Sports 足球中心 一站式為您提供所有關於足球嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/
https://www.facebook.com/RoyceSportsFootball/
喺依度寫有關曼聯嘅文章已經係第三個年頭，好感謝Royce Sports俾個空間我寫一寫感受。對一個從小學開始就怕上作文堂到依家平均每星期要出一篇文嘅筆者嚟講，簡直係一件從未想過嘅一件事。
我同Royce Sports點樣開始合作？
回想番2019年8月，第一次見到依度招人寫文章，就膽粗粗聯絡負責人，話自己有興趣加入。然後，應該係K11師兄就叫我交篇文俾佢哋睇，睇完無問題就出咗自己人生第一篇文章，題目就係「普巴與連加特」。結果讀者嘅反應出奇地好，之後就繼續寫落去，而題材都係自由發揮。寫到咁上吓，唔記得點解就寫埋賽後檢討，嗰陣時犀利喇，我同K11師兄每場比賽之後各寫一篇賽後報告俾讀者，讀者可以憑著喜好揀自己喜歡嘅睇。到咗2019-2020球季完咗，好似無咩可以寫，我就諗不如寫吓曼聯名宿，而咁啱自己有2001-2018球季Season Review可以作參考，所以就開始寫，直到依家寫過卡域克、雲尼斯杜萊、朴智星、C朗、香川真司、科蘭同雲達沙。點解筆名叫「多奇」？
當師兄叫自己諗個筆名，心想死喇原來寫文章係需要有個外號，筆者第一時間諗到「多奇」，無錯就係北斗之拳裡面嘅二師兄「多奇」。原因係自己同多奇一樣傷病纏身，而自己真係好鍾意「多奇」嗰種和藹親切嘅性格，再加上佢實力深不可測，所以就用佢嚟做筆名。
喺Royce Sports寫文章有咩得著？
得著係想像唔到咁豐富。首先，就係學識反思。初初寫作錯漏百出，錯字、資料不全經常出現，但慢慢發覺Royce Sports俾個咁難得嘅機會同空間自己，講真寫作好過我嘅人大有人在，既然係咁自己真係要學習珍惜。其次，就係識得面對讀者。由最初自己唔識得面對讀者回應，甚至係唔敢睇留言，直到依家能夠接納到唔同讀者嘅聲音，明白到有啲讀者會認同自己觀點，有啲會反對，而有啲就無意見。其實，寫文章唔係一味要讀者贊同，有時能夠引起討論嘅話題亦都算係有價值。最後，當然就係識到一班喺度合作嘅工作人員，雖然自己從未見過佢哋，但當中佢哋所俾我嘅支持係好多，尤其係自己寫作去到樽頸位時所俾我嘅提示。而自己面對低潮時能夠鼓勵我再次爬番起身嘅人就係佢哋，係佢哋令我明白到出到每篇文章係有賴大家嘅團隊合作，自己其實只係團隊嘅一部份。
喺依兩年有無咩代表作？
我認為第一篇嘅代表作就係「般奴費蘭迪斯喺曼聯成功嘅原因」，個「蘭」字係錯，應該係「南」，依篇唔單止曼聯迷會睇，反曼聯迷亦都談論依篇文章。仲有就係「球員時代卡域克的存在價值」，因為自己超鍾意卡域克，但又好少人寫佢所以就嘗試寫吓，點知回應係意料之外多。其他嘅仲有「雲尼斯杜萊的離隊是否太早」，「點解朴智星喺曼聯取得咁好嘅成就」同「甸恩軒達臣還是迪基亞」都寫得唔錯，而我感到最可惜嘅就係「7號鬪神-卡雲尼」未能夠喺球迷世界出現，其實依篇都係值得一睇。
自己對將來嘅方向？
希望可以繼續為Royce Sports寫文章，如果可以同K11師兄佢哋見個面食吓飯就更好喇。不過，我知佢哋為咗打理依個體育平台都好忙，所以見面嘅事就睇緣份啦。另外，自己都希望可以寫有關復元嘅文章，因為自己其實係一位復元人士，能夠分享自己經歷去幫助其他人都係我心願，同埋都可以俾其他人睇到復元人士係有能力喺依個社會立足，只要係肯付出努力的話。仲有我係好希望可以回應吓讀者嘅post，無論係讚賞定批評，等可以同球迷有個互動空間。最後就希望可以代表香港參加Dream World Cup，不過之前因為疫情嘅關係而停辦，依家惟有等疫情好番啲再參加啦。
其實要同你哋講嘅嘢仲有好多，但時間問題唯有寫到依度為止。喺度再次感謝Royce Sports俾機會我同幫助我咁多。
Royce Sports 足球中心 一站式為您提供所有關於足球嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/
請按此登錄後留言。未成為會員? 立即註冊