[多奇出品] - 重拾足球的樂趣

Royce Sports 足球中心 一站式為您提供所有關於足球嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/

足球場終於開返，相信好多球迷都會約埋啲波友再次享受踢波嘅樂趣，唔知無踢波一段時間嘅你哋球技有無生疏呢？筆者就未試過正式鬥波，但係體能就一定無以前咁好。不過無論點都好，最重要係可以約埋三五知己一齊玩。
足球能夠咁引人入勝係因為每隊球隊都有唔同崗位，而每個崗位都需要唔同嘅球員去擔當。球員可以盡情發揮自己嘅優勢去擔任唔同位置，例如：前鋒要把握力高，中場傳送要出色，後防就要睇穿對手動作。但係如果把握力唔高，傳送唔出色，睇穿唔到對手動作就唔可以打以上的位置嗎？咁又唔係。因為每個人踢波嘅目的都唔同，有啲只係想強身健體，有啲只係想一班朋友聚舊，有啲只係想享受踢波嘅過程，當然有球員亦都以爭勝為目標。各人有唔同目的同想法，總之只要大家啱咀形就可以一齊落場。
另外，團體合作亦都非常重要，足球好難一個扭十個，就算可以都無咁多氣力去應付，所以隊友間合作係取勝或者踢得開唔開心嘅關鍵。不過，合作可以好簡單，亦都可以諗得好複習。有啲球隊搓幾腳波就可以直入對方禁區，然後就可以射門，但有啲球隊一個扭兩個又交波又走位都攻唔入對方龍門，究竟佢哋個分別喺邊度呢？有啲朋友話合作時間耐咗就自然會合作純熟啲嫁啦，有啲朋友就話至緊要大家技術層次接近就容易合作。咁就真係唔同人有唔同心得，依度又帶出一樣嘢，合作可以令一班人進步，亦都可以令一班人退步。依個亦都係足球另外一個引人入勝的地方。
最後，就係踢波能夠舒緩情緒，依個對好多朋友嚟講包括自己都非常重要，有啲人甚至唔食飯都要踢波。足球引人入勝嘅地方就係佢係圓嘅，而雙方都有龍門，球員以射入對方龍門為目標。球員可以任意將球踢去邊度都得，可以盤球、傳球同射球，換句話說足球代表自由。不過，太自由就未必係好事，所以就有規則同邊線嘅訂立，令到足球唔係無止境嘅。喺有規範底下，大家可以全情投入踢波，去互相幫助，從而爭取入球。失波嗰隊可以重新振作，再次投入比賽。依份投入，令到大家可以暫時拋開一啲唔開心或煩惱嘅事情，喺比賽中從新得力，當然互相支持同鼓勵亦都十分重要。
筆者下星期都約咗朋友去踢波，大家可以一齊傾吓近況，交流睇波心得同埋鬥吓波，諗起都令人期待。希望讀者都可以享受踢波嘅樂趣。

Royce Sports 足球中心 一站式為您提供所有關於足球嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/