[BK兵世界] - 災難性演岀及艾美利在想甚麽!?

Royce Sports 足球中心 一站式為您提供所有關於足球嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/


今仗阿仙奴作客屈福特,首先要讚賞一下睇到最後嘅大家,唔知大家睇完有無「嬲」到瞓唔到…
今場作客陣容後防不變,中場奥斯爾終於有正選,而艾美利亦選擇打雙箭頭。今埸頭15分鐘,阿仙奴完全不佔優勢,後來才慢慢拎返主導權。之後施巴路斯逼搶成功,亦靠住球證不認為有犯規,高拿仙納快傳給奧巴美羊,先開紀錄。其後到32分鐘,其間傳球一共20次,最後奧斯爾妙傳俾馬特蘭尼斯,再傳俾“美羊”輕鬆射入!今季奥巴美羊5場攻入4球,表現不俗!特别要強調佢喺踢到今場為止,最穩定嘅一位。
到完場前上半場有一段小插曲(根度斯為隊友出頭而領咗面黃牌),寫E個位佢並唔喺有些人所講嘅「有火」,而喺「不智」!

下半場阿仙奴嘅表現不用多提,可以用「災難」去形容…每個位置都不斷犯錯,看似一眾球員失去方向,根本唔知自己要做咩?整個下半場可以話捱打,對手甚至有機會反敗為勝!分别喺83分鐘迪路菲奥射遠柱緊緊岀界以及到91分鐘卡普黄金機會射得太正中,我可以講佢地嘅「差小小」救翻阿仙奴不至於全失3分…

接下來就要仔細睇下今場球員嘅表現,浮現嘅問題非常多,對於教練嘅戰術部署都好有疑問,如下:

先講個人覺得表現較平穩嘅三位球員,只能夠講平穩,因為其餘嘅球員都不堪入目!分别喺奧巴美羊,奥斯爾及中場施巴路斯。今場三位都喺表現喺較為好嘅,美羊為球隊攻入兩球,奧斯爾有一次妙傳,走動及協防尚算合格,施巴路斯做咗好多串連,跑上跑落去協防同補位,值得讚許。

其他球員,先講新加盟嘅比比(N.pepe),今場喺參與嘅第五場賽事,今場表現更為差劣,經常攞到波唔知點做,上半場有次單刀機會,但卻拖波而非向前推選擇射門。當然佢有一定嘅腳法同護球技巧,但好多情況喺佢扭到差唔多失先至交波俾球友,亦好易因為咁而傳失!佢的確要更多嘅提升,特别喺最後決定同埋身體對抗性。
到中場嘅表現,根度斯表現大跌watt,攔截成功率幾乎零,大多數嘅可能嘅「撲空氣」,協助亦幫不到太多,令人失望。至於夏卡,防守上基本上並無貢獻,而且下半場至及後完場前10分鐘,更不斷被狂攻,個人作用不大。施巴路斯就不重覆了。

終於到最大嘅問題,後防線!今場4位正選都有「佳作」,可惜喺「犯錯」方面…
首先左閘高拿仙納,今場喺進攻方面又喺無貢獻,只睇到每次掂波就向後交,唔知點解無信心去突破…

右閘方面,我本人喺睇一場驚一場,經常控失波,不停嘅喺右邊上前推進,但並不理會失波之後嘅後果,隊友亦未必可以及時補位等等,其實十分危險。今場只喺靠奧斯爾而得到一記助攻,其餘唔喺死扭就控失,我想講足球唔喺個人表演,有一次更接認隊友轉向將波控出界,簡直喺「業餘」球員嘅失誤!

兩位中堅同場「爆炸」,真喺“難兄難弟”。先講第一個失波,我明白球員要執行教練嘅戰術,而喺後場開始組織無問題,但要注意反當時嘅情况,當時papa想傳俾根度斯,又犯下一次大意失誤,papa想傳嘅時候,喺傳球路線嘅左右分别都有對方球員,特别喺迪路菲奧,幾乎撲到,但papa依然向前傳,從而導至第一個失球。可以話腦根上嘅錯誤,但唔喺籍口,見到咁相信大家第一句喺粗口,第二句就喺「又喺咁呀!?」
而第二個失波,就喺大衛雷斯第四場當中送嘅第二個十二碼,當初覺得又平又值嘅某D球迷,仲喺咪咁諗呢?雖然話大衛雷斯都喺有「經驗」嘅球員,但喺咪用咗喺「犯錯」方面呢?

講到E到,特别要講下教頭艾馬利。首先球隊上半場除了兩個入球之外,並無任何嘅亮點!而喺中場入更衣室,究竟俾咗咩提示球員,有咩需要去改善?球員下半場岀到尼表現更為差劣,突然失去方向?難導無任何部署?見到咁嘅表現,艾馬利本應要做更多,喺場邊更多嘅提醒球員,甚至「喝」醒佢地。但之後嘅換人調動更令人費解,先後換走兩位今場踢得幾好嘅奧斯爾同施巴路斯,換入尼爾遜同托利拉。但效果幾乎零,尼爾遜表現不淡定,而杜里拉亦只有走動,協防卻不到位,形勢一直處於捱打。艾馬利嘅調動反而適得其反,可以話將中場嘅控制權送俾對手,令對方喺下半場不斷有入肉嘅埋門。艾馬利嘅戰術另一個位喺在於兩閘嘅助攻,走上走落,不能因為比爾連嘅缺陣作為發揮失準嘅借口!小弟唔喺要求阿仙奴要踢反「漂亮足球」,但就連其本嘅「傳控」,較為擅長嘅東西都失去埋?
總結一下,希望艾馬利盡快發現球員嘅問題,若果從後場組織,會否令部分球員嘅短處更為突岀?另外,中堅會唔會變一變,試下用張伯斯,大家可能會擔心比賽狀態以及默契, 但相比之下,雖然唔係頂級, 佢哋踢法偏向穩陣為主,「 有危險就大腳清」嘅踢法,會否出奇地看到後防減低壓力?當然球員更需要自我反省,已經喺一個好大嘅教訓!最後希望大家繼續支持BK兵世界,謝謝!


Royce Sports 足球中心 一站式為您提供所有關於足球嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceSportsFootball/


留言


請按此登錄後留言。未成為會員? 立即註冊
    快捷鍵:←
    快捷鍵:→