[足總杯] K11 賽前小分析 － 曼聯 vs 韋斯咸

2016年3月14日 ( 周一凌晨 )
英足總盃8強:
( 主 ) 曼聯 vs 韋斯咸
香港時間: 0:00
K11 賽前小分析 ( 本場次未有提供文字直播/即討區 )

於剛過去既歐霸賽事, 曼聯被利物浦技術性擊倒, 要不是迪基亞.......太陽仍會轉, 向前看!今晚便要上演足總盃8強賽事, 而對手是韋斯咸, 一隊今季皮耶足球隊!


韋斯咸今季表現穩定, 現於聯賽榜壓過曼聯身處第五位, 比曼聯多2分, 比第四位既曼城少2分, 要進入歐聯入場卷區域仍然是有機會, 而且今季皮耶既出色表現令韋斯咸每每對住強隊便有更好發揮, 於2016年皮耶傷癒復出後10場英超賽事勝出6場, 和2場輸2場, 當中勝仗有熱刺及利物浦, 迫和曼城可見實力, 而今場足總盃只要勝出便入4強, 鎚仔幫應不會放過此機會。

曼聯方面, 歐霸既賽事表現不濟, 4射門1中龍既情況令人關注, 加上馬達將於今場停賽令進攻力有所擔心, 幸好陸續有十字軍回歸大軍中包括華倫西亞, 小豬等等, 而且連加特也可候命, 且看雲高爾如何排陣應付此場對曼聯仍有冠軍希望既盃賽了！

已入4強球隊分別為水晶宮, 愛華頓而阿仙奴/屈福特將於今晚爭取另一4強席位!

預計及期望陣容:
迪基亞
華利拿 史摩寧 達美安 洛荷
舒拉達連 小豬連加特 靴里拉 迪比
馬素爾